BJZQ tarap ketken boryshker kompanııalardan qaryzdy qalaı qaıtarmaq
«Taratylǵan kompanııalar boıynsha Qazaqstan zańnamasyna sáıkes qaryz esepten shyǵaryldy. ıAǵnı, 10 mlrd teńge boıynsha provızııa jasaldy. 4 kompanııa taratylǵan bolatyn. Kompanııalardyń basshylary men aktsıonerleri qylmystyq jaýapkershilikke tartylyp jatyr. Azamattyq tártipte barlyq zań sheńberindegi sharalardy jasadyq. Nátıje bermedi»,- dedi qordyń zań departamentiniń bas mamany Aqmaral Muhamedova.
2017 jyldyń basynda qorǵa 21 emıtent qaryz boldy. Qaryzdyń jalpy somasy 40,5 mlrd teńge.
1 jyl ishinde BJZQ júrgizilgen jumystyń nátıjesinde «Atameken-Agro» AQ-nyń 287,8 mln teńge kóleminde, al «Korporatsııa «APK-Invest» JShS-nyń 252,5 mln teńge kólemindegi qaryzyn óteý týraly sot úkimi shyqty.
2017 jyldyń 25 qazanynda QR Ulttyq banki Samarco Mineracao SA oblıgatsııalaryn satyp jiberdi. Sol sebepti bul kásiporyn boryshkerlerdiń qatarynan syzyldy.
Sonymen qatar BJZQ óz aktıvterin qaıtarýda da qıyndyqtar týyndap otyr.
«Kazınvestbank» AQ - 6,4 mlrd teńge, «Delta bank» - 9,3 mlrd teńge, «Býzgýl aýrým» - 5 mlrd teńge qaryz. Ulttyq bank «Delta bank» AQ lıtsenzııasyn qaıtaryp alý týraly sheshim shyǵardy. «Kazınvestbank» AQ taratý protsesin bastan keshirip jatyr. Biraq aktsıonerler bul sheshimge shaǵym túsirdi. Túpkilikti sheshim áli qabyldanǵan joq. «Býzgýl aýrým» AQ boıynsha sot áli júrip jatyr», - dedi qordyń Zań departamenti basshysy Nazym Baqtybaev.
«Qazir osy emıtentterden qaryzdy óndirý boıynsha «Astana-Nedvıjımost» AQ, «Imstalkon» AQ, «ROSA» AQ, «Kombınat stroıtelnyh materıalov ı konstrýktsıı-2» JShS-na qatysty tergeý isi bastaldy», - dedi BJZQ AQ basqarýshy dırektory Máýlen Óteǵulov.