BJZQ-nyń qoldy bolǵan qarajaty qashan qaıtarylady

ALMATY. QazAqparat - «Biryńǵaı jınaqtaýshy zeınetaqy qory» AQ Basqarma tóraıymy Nurbúbi Naýryzbaeva qordyń burynǵy basshysyna qatysty shyǵarylǵan sot úkimi týraly óz oıyn bildirdi, dep habarlaıdy QazAqparat tilshisi.

Sot BJZQ qarajatyn jymqyrý isine úkim shyǵarý barysynda Erdenaevtan, Medetbekovten, Baqytovtan jáne Kenjebaevtan úsh aı ishinde 5 mlrd teńgeni óndirip alý týraly «BJZQ» AQ talap-aryzyn qanaǵattandyrýdy surady. Sonymen birge, óndirilgen somanyń 1 protsenti kóleminde (50 mıllıon teńge) memleketke baj salyǵy óndiriledi.

«Ázirge eshqandaı qarajat alǵan joqpyz. Apellıatsııalyq óndiristiń aıaqtalýyn kútip otyrmyz. Sheshim shyqqan soń, 5 mlrd teńge kólemindegi shyǵyndy óndirip alýǵa talap-aryz beremiz», - dedi  «BJZQ» AQ basqarma tóraıymy Nurbúbi Naýryzbaeva.

Eske sala ketsek, 2017 jyldyń qańtar aıynda BJZQ basshylary qamaýǵa alyndy: BJZQ basqarma tóraǵasy Rýslan Erdenaev, «BJZQ» AQ táýekelderdi basqarý departamentiniń qarjylyq táýekelder basqarmasynyń basshysy Musa Bahtov, «Alataý Munaı Altyn» AQ baqylaý keńesiniń tóraǵasy Baqytjan Kenjebaev jáne «Býzgýl Aýrým» JShS dırektory Azat Naızaǵarın ustaldy. Olarǵa QR QK-niń 189-baby 4-bóliginiń, 2-tarmaǵy (Senip tapsyrylǵan bóten múlikti ıemdenip alý nemese talan-tarajǵa salý) boıynsha aıyp taǵyldy. Atalǵan ispen Ulttyq qaýipsizdik komıteti aınalysty.

Sot úkimimen aıypkerlerge túrli merzimde jaza taǵaıyndaldy.