BJZQ-nyń alǵashqy úsh aıdaǵy ınvestıtsııalyq tabysy 51,5 mlrd. teńgege jetti

ALMATY. QazAqparat - Biryńǵaı jınaqtaýshy zeınetaqy qorynyń 2017 jylǵy alǵashqy úsh aıda taza ınvestıtsııalyq tabysy - 51,45 mlrd. teńge. Mundaı málimetti «BJZQ» AQ basqarma tóraǵasy Nurbıbi Naýryzbaeva aıtty, dep habarlaıdy QazAqparat tilshisi BJZQ-nyń baspasóz qyzmetine silteme jasaı otyryp.

Onyń aıtýynsha, 2017 jyldyń alǵashqy toqsanynda zeınetaqy aktıvteri 153,6 mlrd teńgege ósip, 2017 jylǵy 1 sáýirde 6,84 trln teńgeni qurady.

«Barlyq zeınetaqy jınaqtarynyń negizgi úlesi (shamamen 98%-y) mindetti zeınetaqy jarnalary esebinen jınalǵan. Eseptik úsh aı kezeńinde 87,4 myń jeke zeınetaqy shottary ashylǵan. 2017 jylǵy alǵashqy úsh aıda taza ınvestıtsııalyq tabystyń somasy 51,45 mlrd teńgeni qurady»,  - dedi N.Naýryzbaeva.

Basqarma tóraǵasynyń aıtýynsha, 2017 jylǵy qańtar-naýryzda BJZQ tólemderiniń somasy 77,35 mlrd. teńgege teń bolǵan, onyń ishinde saqtandyrý uıymdaryna aýdarymdar - 6,04 mlrd teńge.