BJZQ naqty tabystylyǵy bir jylda 5,8% qurady

ALMATY. QazAqparat - Qazaqstan Ulttyq banki 2019 jyldyń sáýirinde Biryńǵaı jınaqtaýshy zeınetaqy qorynyń zeınetaqy aktıvteri boıynsha ınvestıtsııalyq qyzmetke sholý jasady, dep habarlaıdy QazAqparat tilshisi.

2019 jylǵy 1 mamyrdaǵy jaǵdaı boıynsha BJZQ zeınetaqy aktıvteriniń portfeli 9 761,9 mlrd. teńgeni qurady. Teńgege nomınatsıalanǵan aqshalaı qarajattar men qarjy quraldary 6 613,1 mlrd. teńgeni nemese 67,7%-dy qurady, shetel valıýtasymen - 3 148,8 mlrd. teńge nemese 32,3%.

Teńgedegi zeınetaqy aktıvterin ınvestıtsııalaý kólemi 76 mlrd. teńgeni (aqsha naryǵynyń ınstrýmentterine ınvestıtsııalardy qospaǵanda) qurady, onyń ishinde: Qazaqstan Respýblıkasy Qarjy mınıstrliginiń MBQ ortasha alynǵan kiristiligi jyldyq 8,7% mólsherinde 46 mlrd. Eýropalyq qaıta qurý jáne Damý Bankiniń oblıgatsııalary 30 mlrd. teńge somasynda ınflıatsııaǵa jáne jylyna 1% syıaqyǵa teń kiristilikpen satyp alyndy.

Shetel valıýtasynda nomınatsııalanǵan zeınetaqy aktıvterin ınvestıtsııalaý kólemi 168,7 mlrd. teńgeni qurady. Osy kólem úshin AQSh-tyń memlekettik baǵaly qaǵazdary ortasha alynǵan kiristiligi jylyna 2,4% satyp alyndy.

BJZQ-nyń eseptelgen ınvestıtsııalyq kirisiniń mólsheri 2019 jyldyń basynan bastap 172,4 mlrd. teńgeni qurady. 2019 jyldyń basynan bastap ınvestorlardyń shottaryna bólingen zeınetaqy aktıvteriniń kiristiligi 1,62% qurady.

Sonymen birge, 2019 jylǵy 1 mamyrdaǵy jaǵdaı boıynsha zeınetaqy aktıvteriniń sońǵy 12 aı ishinde (2018 jyldyń mamyrynan 2019 jyldyń sáýirine deıin) BJZQ salymshylaryna arnalǵan kiristiligi 10,7% qurady, ınflıatsııa - 4,9%. Sondaı-aq, sońǵy 12 aıda BJZQ zeınetaqy aktıvteriniń naqty kiristiligi 5,8% qurady.