BJZQ qyzmetiniń 52 paıyzy elektrondyq túrde kórsetiledi
Aǵymdaǵy jyldyń birinshi toqsanynyń esebi boıynsha, zeınetaqy qory jaıly elektrondyq túrde aqparat alýshylar sany 294,7 myńǵa jetken. Al 2018 jyldyń 1 sáýirine deıin 5 mln azamat zeınetaqy qoryndaǵy jeke shotynyń kórsetkishin bilý úshin elektrondyq qyzmetti tańdaǵan. Onyń ishinde, 823 myń adam Qordan anyqtama qaǵazyn elektrondyq poshtasy arqyly alsa, 4,2 mıllıony BJZQ saıty nemese mobıldik qosymsha arqyly alǵan.
«Ótken jyldyń 1 shildesinen bastap Qordyń barlyq qyzmeti elektrondyq túrde berile bastady. Tek turaqty mekenjaıynyń ózge elge aýysýyna baılanysty, shottaǵy qarjyny aýdarý ázirge offlaın tártibinde ǵana júrgizilýde. Bul protsesti de osy jyldyń sońyna deıin elektrondyq túrge aýystyrý josparlanǵan. Sonymen, zeınetaqy qorynyń elektrondyq túrde qyzmet kórsetýi 52 paıyzǵa jetti. Jalpy eseppen, 6,4 mln operatsııa oryndalǵan», - deıdi «BJZQ» AQ basqarma tóraıymy Nurbúbi Naýryzbaeva.
Onyń aıtýynsha, qazmet kórsetý sapasyna aryzdanǵandar kórsetkishi 0,003 paıyzdy qurap otyr.
«Ótken jyldan beri BJZQ-nyń 18 bólimshesinde óz-ózine qyzmet kórsetetin termınaldar jumys istep keledi. Bul ázirge pılottyq rejımdegi joba, biraq jaqyn bolashaqta olardyń sanyn kóbeıtýdi josparlap otyrmyz. Esterińizge sala ketsem, ótken jyldyń shildesine deıin elektrondyq túrde tek anyqtama alý múmkin bolǵan», - deıdi Nurbúbi Naýryzbaeva.
Sondaı-aq, BJZQ mamandary salymshylarǵa qashyqtan keńes berý arnalaryn damytýda. Resmı aqparatqa oraı, 405 myń suranysqa baılanys nómiri jáne ınternet arqyly keńes berý júzege asyrylǵan. Eshbir suraq jaýapsyz qaldyrylmaǵan. BJZQ-nyń ishki baqylaý men táýekelderdi basqarý júıelerin damytý ótken jyldan beri qolǵa alynyp, árbir suranysty tolyqtaı qanaǵattandyrý basty múddege aınaldy.
Foto: exelentlady.ru