BJZQ Qoǵamdyq keńestiń jumysyna kómektesýge daıyn
Ol Qoǵamdyq keńestiń barlyq múshesine belsendi jumys jasaǵany úshin alǵys aıtty. «Qoǵamdyq keńes elimizdiń kóptegen azamattaryn alańdatyp otyrǵan máselelerdi kóterip, QRUB men BJZQ-ǵa jetkizip otyrady. Biz óz jumysymyzda bul máselelerdi eskeremiz. Qoǵamdyq keńestiń múshelerine aqparat irikteýde kómektesip, Qoǵamdyq keńestiń máseleleri boıynsha QR UB-men kezdesý uıymdastyrýdamyz», - dedi N. Naýryzbaeva.
Onyń aıtýynsha, Keńestiń keıbir usynystary «kúrdeliligine baılanysty, mysaly, zańnamalarǵa ózgeristerdi qajet etetin jáne t.b. usynystar qazirgi tańda qaralyp jatyr jáne talqylaný úsitnde».
«Qoǵamdyq keńestiń, onyń barlyq músheleri maquldaǵan jumystyń maqsaty jınaqtaýshy zeınetaqy júıesi tóńiregindegi mańyzdy máseleler men ony júzege asyrý boıynsha usynystar jasaý jónindegi azamattyq qoǵamnyń pikirin bildirý bolyp tabylady, - dep eskertti N.Naýryzbaeva. - Osy maqsatta Qoǵamdyq keńestiń quramynda jınaqtaýshy zeınetaqy júıesin damytý boıynsha usynystar daıyndaý jónindegi jumys toby quryldy. Zańnamany jetildirý máselelerin talqylaý barysynda Qoǵamdyq keńestiń birqatar músheleri zeınetaqy júıesin qaıta qurý, sonyń ishinde onyń negizgi jáne ortaq bóligi boıynsha usynystar jasaýdyń qajettiligi týraly pikir bildirdi. Bul ıdeıany Qoǵamdyq keńestiń barlyq múshesi tolyqtaı qoldamady».