BJZQ qazaqstandyqtardyń qarjylyq saýattylyǵyn kóterý arqyly senimge kirgisi keledi
Búgin Senat depýtattarymen kezdesý barysynda «Biryńǵaı jınaqtaýshy zeınetaqy qory» AQ Basqarma Tóraǵasy Rýslan Erdenaev osylaı málim etti.
Tóraǵanyń aıtýynsha, aldaǵy ýaqytta jınaqtaýshy zeınetaqy qoryna jáne onyń operatory bolyp tabylatyn BJZQ-na halyqtyń senimin qalpyna keltirý baǵytynda jumystar jandanatyn bolady. «Bul rette biz zeınetaqy jınaqtaý júıesi, onyń Qor qyzmetindegi róli týraly halyqtyń aqparattanýyn qamtamasyz etetin kommýnıkatsııalyq strategııany júzege asyrmaqpyz. Biz joǵary oqý oryndarymen, Nazarbaev Ýnıversıtetimen jáne basqa da mekemelermen birlesken yntymaqtastyq arqyly zeınetaqymen qamtamasyz etý salasyndaǵy halyqtyń qarjylyq saýattylyǵyn kótergimiz keledi», - deıdi R. Erdenaev.
Onyń aıtýynsha, halyqtyń qarjylyq saýattylyǵyn arttyrý maqsatynda mektepter men joǵarý oqý oryndarynda jınaqtaýdyń qajettiligi, zeınetaqy salymynyń mańyzdylyǵy týraly arnaıy sabaqtar ótkizý qarastyrylýy múmkin.