BJZQ qarjysy senimdi quraldarǵa ınvestıtsııalanady
Mamyr aıynyń basynda Ulttyq bank tóraǵasy BJZQ aktıvteri bankterdiń qarjylyq quraldaryna jáne qazaqstandyq korporatıvtik emıtentterge salynatyn boldy.
«BJZQ aktıvteri tek senimdilik krıterıılerinen shyǵa alǵan bankterdiń quraldaryna salynady. Jalpy alǵanda 200 mlrd teńge ornalastyrylady. Ulttyq bank satylymnyń jartysynda BZJQ qarjysy, jartysynda basqa kredıtorlardyń qarjysy bolýy kerektigin talap etip otyr. Alaıda bul bir rettik emıssııalyq shyǵarylym bolmaıdy. Emıssııa kezeń-kezeńimen shyǵady. Bul baǵdarlamalarmen jumys jasaıtyn bankterge qatań talap qoıyldy»,- dedi Sáýle Egeýbaeva.
Ázirge qaı bankterge qarjy salynatyny belgisiz. Alaıda, qor basshysy aqshanyń senimdi kózderge salynatynyna senimdilik bildirip otyr.
«QR Zeınetaqymen qamsyzdandyrý týraly zańynyń 35 babyna sáıkes zeınetaqy aktıvterin senimdi basqarý quqyǵy Ulttyq bankke berilgen. 2016 jyldan bastap ınvestıtsııalaý saıasaty kóptegen ózgeristerdi basynan keshirdi. Emıtentterdiń reıtıngisine qatysty da talap kúsheıtildi», - dedi Sáýle Egeýbaeva.
Sońǵy derekter boıynsha zeınetaqy aktıvteriniń 0,5 paıyzy, ıaǵnı 41 mlrd teńge qaıtarylmaı tur.
Sonymen qatar, BJZQ potfelinde oblıgatsııasy bar «TsATEK» AQ aktsıonerleriniń biri 2 aıǵa qamaldy.
«Aktıvke qatysty kúdik týyndasa, Ulttyq banki defolt jaǵdaıynyń aldyn alý úshin arnaıy taldaý jumystaryn júrgizedi. Sodan soń BJZQ problemalyq emıtentpen sotqa deıingi talap etý jumystaryn bastaıdy. Defolt yqtımaldyǵy jaǵdaıda qarjylyq qural jan-jaqty tekserilip, satylady. Zeınetaqy aktıvteriniń 1 teńgesi de quryp ketpeýi úshin barymyzdy salamyz»,- dedi tóraıym.
