BJZQ isiniń qatysýshysy: «Býzgýl Aýrýmmen» kelisim elge mıllıondaǵan dollar ákeletin edi

ALMATY. QazAqparat - «Býzgýl Aýrým» altyn óndirý kompanııasynyń basshysy Baqytjan Kenjebaev Biryńǵaı jınaqtaýshy zeınetaqy qorynyń isi boıynsha aıyptalýshy Rýslan Erdenaevke qatysty «Eger ol qamaýǵa alynbasa, elge 264 mıllıon dollar ınvestıtsııa ákeler edi» degen oıyn aıtty, dep habarlaıdy «QazAqparat» HAA tilshisi.

2017 jyldyń kóktemindegi qylmystyq is materıaldarynda Qazaqstanǵa Shveıtsarııadan 137 mıllıon dollar túsýge tıis degen qujat bar, al bes jyldyq merzimdegi ınvestıtsııanyń jalpy somasy 264 mıllıon dollardy sonymen qatar, Býzgýl-1, Býzgýl -2 jobalaryn damytýdy qamtýǵa tıis bolǵan.

«Kóktemde bul ken oryndaryn sholý aıaqtalý kerek bolǵan. Ne kedergi boldy? 2016 jyldyń jeltoqsan aıyndaǵy qamaý. Birinshi transhta BJZQ-ynan baǵaly qaǵazdar satyp alynýy kerek bolǵan», - dedi Kenjebaev.

Aıta keteıik, 9 qańtarda BJZQ basshylary qamaýǵa alyndy: BJZQ basqarma tóraǵasy Rýslan Erdenaev, «BJZQ» AQ táýekelderdi basqarý departamentiniń qarjylyq táýekelder basqarmasynyń basshysy Musa Bahtov, «Alataý Munaı Altyn» AQ baqylaý keńesiniń tóraǵasy Baqytjan Kenjebaev jáne «Býzgýl Aýrým» JShS dırektory Azat Naızaǵarın.

Olar menshikterine qarsy aýyr qylmystyq quqyqbuzýshylyq boıynsha aıyptalyp otyr. Olarǵa QR QK-iniń 189-baby, 4-tarmaǵy, 2-bóligi (Senip tapsyrylǵan bóten múlikti ıemdenip alý nemese talan-tarajǵa salý) boıynsha aıyp taǵyldy. Atalǵan ispen ulttyq qaýipsizdik komıteti aınalysty.