BJZQ ınternet alaıaqtyǵy týraly eskertti

ALMATY. QazAqparat - Biryńǵaı jınaqtaýshy zeınetaqy qorynan «durys kóshirme» alý úshin kómektesýge ýáde bergen alaıaqtar qordy polıtsııaǵa shaǵymdanýǵa májbúrledi, dep habarlaıdy «QazAqparat» HAA tilshisi. 

Biryńǵaı jınaqtaýshy zeınetaqy qory qazaqstandyqtardy ınternet alaıaqtyǵynyń jıilep ketý oqıǵalaryna baılanysty qyraǵy bolýdy ekertedi.
«Búginde ınternet alaıaqtary ańǵal azamattardy aldaýdyń jańa tásilderin oılap tapqan. Olar ǵalamtorda túrli esimdermen tirkelip, Astana jáne basqa da qala turǵyndaryna ekinshi deńgeıli bankterden nesıe resimdeýge kómek kórsetetindikteri jóninde túrli jarnamalar beredi.

Jarnama boıynsha habarlasqan adamǵa klıenttiń tólem júrgizýge qabilettiligin rastaıtyn «durys kóshirmeni» alý úshin «tıisti syıaqy» aýdarylýy tıis bank kartasynyń rekvızıtteri jazylǵan SMS-habarlama jiberiledi. Qazirgi kezde BJZQ osy tektes faktiler boıynsha protsessýaldyq sheshim qabyldaý úshin málimetterdi quqyq qorǵaý organdaryna jiberdi», - dep habarlady uıymnyń baspasóz qyzmeti.

QR azamattary zeınetaqy qory týraly málimet pen tıisti anyqtamalardy qordyń kez kelgen bólimshesinen, poshta baılanysy, elektrondyq poshta arqyly, saıtta onlaın rejımde nemese «BJZQ» AQ mobıldi qosymshasynan, sondaı-aq elektrondy úkimettiń egov.kz saıty arqyly tegin alady.

Osyǵan deıin QR Qarjy mınıstri Álıhan Smaıylov zeınetaqyny ınvestıtsııalaý qajettigin aıtqan bolatyn.