BJZQ-daǵy zeınetaqy jınaqtarynyń jalpy somasy - 6,69 trln teńge
«Biryńǵaı jınaqtaýshy zeınetaqy qory» AQ-da zeınetaqy jáne ózindik aktıvter boıynsha mekemeniń 2016 jylǵy qarjylyq eseptiligine syrtqy aýdıt júrgizildi. Táýelsiz aýdıtorlyq kompanııanyń qorytyndysyna sáıkes, zeınetaqy aktıvteri boıynsha qarjylyq eseptilik qoldanystaǵy barlyq aspektilerde «Zeınetaqy aktıvteri boıynsha operatsııalar týraly aqparatty esepke alý men ashyp kórsetý» qarjylyq eseptilik standartyna sáıkestik rastaldy. Bul zeınetaqy aktvıteriniń saqtalýyn, olardyń esebiniń durystyǵyn, zeınetaqy aktıvteri ınvestıtsııalanǵan qarjylyq quraldardyń ádil qunyn baǵalaý durystyǵyn dáleldeıdi», - delingen «BJZQ»-nyń baspasóz qyzmeti taratqan aqparatta.
2017 jylǵy 1 qańtardaǵy jaǵdaı boıynsha, «Biryńǵaı jınaqtaýshy zeınetaqy qory» AQ-daǵy zeınetaqy jınaqtarynyń jalpy somasy 6,69 trln teńgeni qurady, onyń 20,2 paıyzy nemese 1,35 trln teńgesi ınvestıtsııalyq tabys bolyp otyr. Aldyn ala málimetter boıynsha, BJZQ-da shoǵyrlanǵan zeınetaqy aktıvteri somasynyń 2016 jylǵy QR JІÓ somasyna qatynasy 15,1% quraıdy.
2016 jylǵy 1 qańtar - 31 jeltoqsan aralyǵynda barlyǵy 399 myńnan astam jeke zeınetaqy shoty (JZSh) ashyldy, onyń ishinde mindetti zeınetaqy jarnalary (MZJ) esebinen - 354 813, mindetti kásibı zeınetaqy jarnalary (MKZJ) esebinen - 37 778 jáne erikti zeınetaqy jarnalary (EZJ) esebinen - 6 473. Osylaısha, sharttardyń barlyq túri boıynsha 2017 jyldyń 1 qańtaryna salymshylardyń (alýshylardyń) JZSh-tarynyń sany 10,04 mln.-dy qurasa, onyń ishinde MKZJ esebinen - 9,58 mln
2016 jyly BJZQ-dan tólengen zeınetaqy tólemderiniń somasy 169,69 mlrd teńge bolsa, onyń ishinde saqtandyrý uıymdaryna aýdarylǵany - 22,69 mlrd teńge. Salystyrý úshin keltirer bolsaq, 2015 jyly júzege asyrylǵan zeınetaqy tólemderi men aýdarymdarynyń somasy 141,12 mlrd tengeni, onyń ishinde saqtandyrý uıymdaryna aýdarylǵany 24,23 mlrd tengeni qurady.
Aýdıtten ótken qarjylyq eseptilikke sáıkes, «BJZQ» AQ ózindik kapıtaly 76,3 mlrd teńgeni qurady jáne eseptik jylda 20,0 mlrd teńgege artqan. Bul eseptik kezeńdegi bólinbegen paıdanyń artýyna baılanysty bolyp otyr. Eseptik jyldaǵy salyq salynǵannan keıingi taza paıdasy 21 mlrd teńgeni qurady (2015 jyl qorytyndysy boıynsha «BJZQ» AQ paıdasy 27,6 mlrd teńgeni qurady).
2017 jylǵy birinshi toqsanda zeınetaqy aktıvteri 153,6 mlrd teńgege ósip, 2017 jylǵy 1 sáýirde 6,84 trln teńgeni qurady. Barlyq zeınetaqy jınaqtarynyń negizgi úlesi - shamamen 98%-y mindetti zeınetaqy jarnalary esebinen qalyptasqan. Esepti kezeńde 87,4 myń JZSh ashyldy.
2017 jylǵy alǵashqy úsh aıda taza ınvestıtsııalyq tabystyń somasy 51,45 mlrd teńgeni qurady.
2017 jylǵy qańtar-naýryzda BJZQ tólemderiniń somasy 77,35 mlrd teńgege teń boldy, onyń ishinde saqtandyrý uıymdaryna aýdarymdar 6,04 mlrd teńge.
2016 jyly aqparatty avtomattandyrylǵan qorǵaý boıynsha jumystar kúsheıtildi. Qor Qazaqstanda alǵashqylardyń biri bolyp Qordyń eseptik málimetter bazasynda saqtalatyn konfıdentsıaldy aqparattyń shyǵyp ketýin boldyrmaýǵa arnalǵan KrıptoBD málimetter bazasyn shıfrleý júıesin engizdi. «Ernst end ıAng - keńes berý qyzmetteri» JShS táýelsiz halyqaralyq uıymy júrgizgen tehnıkalyq aýdıt qaýipsizdik júıesiniń halyqaralyq standarttarǵa sáıkes keletinin rastady. Brıtanııalyq standarttar ınstıtýtynyń (BSI) aýdıtimen rastalǵan «Salymshylardyń jeke zeınetaqy shottaryna jarnalar aýdarý jáne tabystardy bólý úderisi» áreketi salasy boıynsha ISO/IEC 27001:2013 halyqaralyq standarty boıynsha sertıfıkattaý júrgizildi.
2016 jyly BJZQ korporatıvti saıtynda nemese ENPF uıaly qosymshasy arqyly salymshynyń jeke kabınetine tek logın men parol arqyly ǵana emes, sondaı-aq, elektrondyq-tsıfrlyq qoltańbany da qoldanyp kirýine múmkindik ashyldy. Bul jeke zeınetaqy shotynyń jaı-kúıi týraly aqparatty alýdy aıtarlyqtaı jeńildetedi. Sondaı-aq, Qordyń baılanys ortalyǵyna 1418 qysqa nomeri arqyly habarlasý múmkindigi paıda bolyp, salymshylardyń zeınetaqy júıesi týraly kez kelgen másele boıynsha keńes alýyn jeńildetti. Budan bólek, avtomatty rejımde jaýaptar alýǵa bolatyn jıi qoıylatyn suraqtardy qamtıtyn IVR-máziri arqasynda baılanys ortalyǵynyń qyzmetteri táýligine 24 saǵat qoljetimdi boldy. 2016 jyly zeınetaqy jınaqtaryn alýshylarǵa olardyń zeınetaqy tólemderiniń statýsy týraly SMS-habarlamalar kele bastady.
Sonymen qatar, halyqtyń áleýmettik turǵydan osal toptaryn qoldaý úshin, múmkindigi shekteýli adamdarǵa aqparattyq keńes berý kómegin kórsetý úshin «Mobıldik keńse» qyzmeti jetildirildi. Tek 2016 jyly Qor fılıaldary qyzmetkerleri 15 673 alýshymen baılanys ornatyp, 2017 jylǵy birinshi toqsanda Qor fılıaldary 4 047 salymshyǵa (alýshyǵa) qyzmet kórsetti.
2017 jyly Qor aldyna jańa mindetter qoıyldy. «BJZQ» AQ Basqarma tóraıymy Nurbúbi Naýryzbaeva atap ótkendeı, BJZQ jumysynyń basty qaǵıdalary Qor salymshylary men zeınetaqy tólemderin alýshylardyń kózqarastaryn qorǵaý men qamqor bolý, qyzmet ashyqtyǵyn arttyrý jáne ishki baqylaý júıesin kúsheıtý bolyp tabylady.
2017 jylǵy birinshi toqsanda Qordyń ishki úderisterin qaıta qaraý boıynsha aýqymdy jumys júrgizilip, ishki baqylaý men táýekelderdi basqarý úderisteri kúsheıtildi, Qordyń barlyq fılıaldarynda ishki aýdıtorlar engizildi. Shyǵyndardy qysqartyp, qyzmet tıimdiligi men kórsetiletin qyzmet sapasyn arttyrý maqsatynda Qordyń qurylymy ońtaılandyryldy: tıimsiz jáne bir-birin qaıtalaıtyn bıznes-úderister alynyp tastaldy.
Qor qyzmetiniń ashyqtyǵyn arttyrý jáne halyqpen ózara qyzmetti jaqsartý úshin 2017 jylǵy birinshi shırekte BJZQ janynda Qoǵamdyq keńes qalyptasyp, jetekshi qarjygerler, jýrnalıster, qoǵamdyq uıymdar ókilderi, blogerler men qatardaǵy salymshylar (alýshylar) onyń músheleri boldy. BJZQ resmı saıtynda aqparat alýdyń qosymsha arnalary ashylyp, kez-kelgen adamǵa ózine qajetti aqparatty jekeleı jáne top ishinde alýyna múmkindik beretin «Basqarma Tóraıymynyń blogi» jáne «Qoǵamdyq qabyldaý» engizildi.
Budan bólek, 2017 jylǵy úsh aıda áleýmettik, zeınetaqy jáne medıtsınalyq qamsyzdandyrý máseleleri boıynsha BJZQ kásiporyndar men uıymdarda 317 prezentatsııa ótkizip, olarǵa 11 myńnan astam adam qatysty.
2017 jylǵy 31 naýryzda BJZQ taǵy bir bastamany qolǵa alyp, Ashyq esik kúnin ótkizdi. 1,5 myńnan astam adam qatysqan mundaı birinshi shara Qordyń barlyq fılıaldarynda 31 naýryz kúni ótti. Biryńǵaı jınaqtaýshy zeınetaqy qory Ashyq esik kúnin shırek jyl saıyn ótkizýdi josparlap otyr.
Aıta ketý kerek, aqparat alýdyń elektrondyq tásilin qoldanýshylar sany jyl basynan beri 400 myń adamǵa artty. 2017 jylǵy 1 sáýirde 3,2 mıllıonnan astam adam zeınetaqy shotynyń jaı-kúıi týraly aqparat alý tásili retinde aqparattanýdyń elektrondyq tásilin tańdaǵan. Osylaısha, 196 myńǵa jýyq adam elektrondyq meken-jaıyna úzindi-kóshirme alyp, 3 mıllıonǵa jýyq adam saıt jáne túrli operatsııalyq júıelerde jumys isteıtin smartfondar men planshetterge arnalǵan uıaly qosymsha arqyly aqparat alý múmkindigine ıe.
Kórsetiletin qyzmetterdiń qoljetimdiligi men qolaılylyǵyn arttyrý úshin 2017 jylǵy 1 shildege deıin jańa elektrondyq qyzmetter engiziledi: zeınetaqy jarnalary esebi boıynsha jeke zeınetaqy shottaryn ashý jáne BJZQ saıtynda jeke kabınet arqyly zeınetaqy tólemderin taǵaıyndaý týraly ótinish berý. Bul ótinishtiń oryndalý statýsy týraly alýshy SMS-habarlama alý arqyly habarlanady. Aǵymdaǵy jyl sońyna deıin atalǵan qyzmetterdi elektrondyq úkimet portaly arqyly engizý josparlanýda.
Budan bólek, «Elektrondyq BJZQ» jobasynyń aıasynda óz-ózine qyzmet kórsetý termınaldary men VTM-termınaldaryn paıdalanýǵa berý josparlanǵan. VTM-termınaldar - salymshynyń Qor qyzmetkerlerimen ınteraktıvti tildesý júıesi bolyp tabylady. Olar salymshyǵa túrli aqparat alýǵa, sondaı-aq, Qor qyzmetkeriniń qashyqtyqtan kórsetiletin qyzmeti (qashyqtyqtan basqarý operatsııalyq ortalyǵy) arqyly JZSh ashýǵa ótinish berý, shottyń jaı-kúıin bilý, tólem alýǵa ótinish berý qyzmetterin qoldanýyna múmkindik beretin ekrany bar apparattan turady. BJZQ qyzmet kórsetý ortalyqtarynda tájirıbelik paıdalanýdan keıin, salymshylar men alýshylar BJZQ qyzmetterin onyń keńselerinen tys jerlerde qoldana alýy úshin olardy qoǵamdyq oryndarda - bankter, saýda úılerinde ornalastyrý josparlanýda.