BJZQ bereshek kompanııalardyń tizimin jarııalady
BJZQ-nyń málimetine súıensek, emıtentterdiń kópshiligi defoltqa 2006-2010 jyldar aralyǵynda jol bergen. 2016 jyly ataýly quny boıynsha bereshek somasy 4,1 mlrd teńgege 2 emıtenttiń defolty tirkeldi. 2017 jylǵy 1 tamyzdaǵy jaǵdaı boıynsha Qorǵa bereshek qaryz quny 40,5 mlr teńge.
«BJZQ qory defoltqa jol bergen 21 emıtentke qatysty ataýly quny boıynsha 40,5 mlrd teńge bolatyn bereshekti (zeınetaqy aktıvteriniń 0,6 paıyzynan tómen) qaıtarý jumystaryn júrgizip jatyr. Bul emıtentterdiń qarjy quraldary zeınetaqy aktıvteriniń quramyna kiredi», - delingen qor habarlamasynda.
BJZQ-ǵa qaryz kompanııalar: «Kazneftehım» AQ, «TórtQudyq» «Ken-baıytý kombınaty» AQ, «Mineral Resources of Central Asia» AQ, «Tehno-Life» AQ, «Sary-Arqa Sarbazy» Kúzet korporatsııasy» JShS, «REMIKS-R» AQ, «Tema ı Ko» AQ, «HOMEBROKER» AQ, «Kombınat stroıtelnyh materıalov ı konstrýktsıı-2» JShS, «ROSA» AQ, «Astana-Nedvıjımost» AQ, «Órnek XXI» AQ, «Alternatıvnye fınansy» AQ, Bereshekterdiń ataýly quny boıynsha jalpy somasy - 8,8 mlrd. teńge.
Jalpy, 1 tamyzdaǵy jaǵdaı boıynsha oblıgatsııalardyń ataýly quny boıynsha bereshekterdiń jalpy somasy 2014 jyldan beri 161,45 mlrd teńgeden 36,45 mlrd teńgege azaıǵan.
«Al problemalyq emıtentterdiń sany 32-den 19 kompanııaǵa qysqardy. Eki kompanııa boıynsha bereshek tolyǵymen óteldi (ataýly quny boıynsha 1,3 mlrd teńge)», delingen habarlamada.