BJZQ aqshasyn tonaǵandar shyǵyndy ótep jatyr ma
«Barlyq fıgýranttar boıynsha sot barlyq sottalýshylarǵa shyǵyndy óteýge 3 aı merzim berdi. Sot sheshimi 2018 jyldyń 22 maýsymynda zańdy kúshine endi. Sondyqtan, 2018 jyldyń 22 qyrkúıegine deıin olar shyǵyndy óteýge mindetti. Qazirgi tańda Kenjebaev qana shyǵyndy óteýge nıet bildirdi», - dedi BJZQ zań departamentiniń dırektory Nazym Baqtybaev.
Ol Kenjebaevtyń barlyq shottary arestte turǵandyqtan, sot qaýlysy 4 tamyzda shyqqanyn aıtty.
«6 tamyzdaǵy jaǵdaı boıynsha Azııa Kredıt banki boıynsha ǵana qaýly oryndaýǵa jiberildi. Qazir bank qaýlyny qarastyryp jatyr. Tamyzdyń sońyna deıin osyndaı qaýlylar Kenjebaevtyń aqshasy saqtalǵan basqa da bankterge de túsetin bolady», - dedi N.Baqtybaev.
BJZQ ókilderiniń aıtýnysha, ázirge Kenjebaevtyń tarapynan aqsha túsken joq.
Aıta ketý kerek, Rýslan Erdenaevtan basqa atalǵan is boıynsha onyń orynbasary Dabyr Medetbekov, BJZQ táýekelderdi basqarý departamentiniń eks-basshysy Musa Bahtov, «Býzgýl Aýrým» JShS quryltaıshysy Baqytjan Kenjebaev, «Býzgýl Aýrým» JShS eks-dırektory Azat Naızaǵarın sottalǵan bolatyn.