«BJZQ» AQ eks-basshylarynyń basty sot talqylaýy ótýde

ALMATY. QazAqparat - Almatyda BJZQ eks-basshysy Rýslan Erdenaevtyń isi boıynsha basty sot talqylaýy bastaldy, dep habarlaıdy QazAqparat tilshisi sot zalynan.

Aldyńǵy sot talqylaýynda ol óz kinásin tolyq moıyndaǵan bolatyn. Sot aldynda BJZQ eks- basshylyǵy men kelisim jasasqan kompanııalardyń ókilderi, jalpy 6 adam jaýap berip jatyr.

Almaly aýdandyq soty 2017 jyldyń 9 qańtarynda «BJZQ» AQ eks-tóraǵasy Rýslan Erdenaevqa, «BJZQ» AQ táýekelderdi basqarý departamentiniń basshysy Musa Bahytovqa, «Alataý Munaı Altyn» AQ baqylaý keńesiniń tóraǵasy Baqytjan Kenjebaevqa, «Býzgýl Argým» JShS dırektory A.Naızaǵarınge qatysty bultartpaý sharasyn taǵaıyndaǵan bolatyn. Keıinirek atalǵan iske qatysy  bar degen kúdikpen «Megatransazııa» JShS dırektorynyń orynbasary T. Turtaev pen «BJZQ» AQ basqarma tóraǵasynyń burynǵy orynbasary D. Medetbekov qamaýǵa alynǵan edi.

Sotqa deıingi tergeý oryndary R.Erdenaev pen ózge de tulǵalarǵa menshikke qatysty QR QK 189-babynyń 4-tarmaǵy boıynsha aýyr qylmys jasady dep aıyp taǵyp otyr.

Aıta keteıik, jyl basynda Ulttyq qaýipsizdik komıtetiniń Almaty qalasyndaǵy departamenti BJZQ-nyń quny 5 mlrd teńge bolatyn kelisimshartyn teksergen bolatyn. Ulttyq banktiń qatysýymen «Biryńǵaı jınaqtaýshy zeınetaqy qory» AQ-nyń áreketin tekserý ótken jyldyń 21 jeltoqsanynan bastalǵan.