Murat Ábenov: Bizdiń jolymyz – ádildik joly

ASTANA. KAZINFORM – Konstıtýtsııalyq reformalar jónindegi komıssııanyń onynshy otyrysynda Májilis depýtaty Murat Ábenov Konstıtýtsııa jobasyna engizilip jatqan birqatar mańyzdy usynystarǵa toqtaldy.

Májilis depýtaty 46-bap pen 62-baptyń 2-tarmaǵynda yqpaldy Parlament formýlasyna sáıkes Quryltaıǵa júkteletin keleli saıası rólderdi kúsheıtý, sondaı-aq qoǵam tarapynan jıi kóterilip júrgen bılik ınstıtýttary arasyndaǵy tepe-teńdikti saqtaý boıynsha naqty ózgertý jaıly aıtty.

– Bul tarmaqtar qoǵam suranysyna tolyq jaýap beretin bolady. «Estıtin memleket» qaǵıdasynyń máni de osynda. Bul bizdiń jumysymyzdyń mánin kórsetedi. Halyqpen ashyq dıalog ornatyp, ár pikirdi tyńdap, ár usynysty eskerýdemiz. Osy úderistiń ortasynda bizdiń ulttyq ıdeıamyz «Ádiletti Qazaqstandy» iske asyrý tur, – dedi depýtat.

Sonymen qatar Murat Ábenov álemde ártúrli ulttyq ıdeıalar qalyptasqanyn atap ótti. Onyń aıtýynsha, «amerıkalyq arman», eýropalyq ál-aýqat úlgisi, azııalyq ekonomıkalyq keremet sekildi tujyrymdamalar bar.

– Bizdiń jolymyz – ádildik joly. Biz osy ustanymdy Konstıtýtsııaǵa jazyp jatyrmyz. Bul fılosofııa Jańa Konstıtýtsııanyń árbir tarmaǵyna engen. Ol adam quqyqtaryn kúsheıtedi, otbasy men dástúrli qundylyqtardy qorǵaıdy, memlekettiń jaýapkershiligin aıqyndaıdy. Osy baǵyttardyń barlyǵynda Konstıtýtsııanyń qaq ortasynda eń mańyzdy qundylyq retinde azamattyń quqyqtary men erikteri. ıAǵnı biz «memleket adamnan joǵary» degen eski logıkadan bas tartyp, «memleket – adam úshin» degen jańa baǵytty tańdaımyz, – dep túıindedi Májilis depýtaty.

Buǵan deıin Qazirgi jahandyq ózgerister dáýirinde, tórtinshi ónerkásiptik revolıýtsııa, tehnologııalyq serpilis pen tsıfrlandyrý jaǵdaıynda memlekettik basqarýǵa jańa talaptar qoıylyp otyr. Osyǵan baılanysty qoǵam damýyna serpin beretin zamanaýı Konstıtýtsııanyń mańyzy aıryqsha. Onsyz ornyqty damý múmkin emes degen edi Májilis depýtaty.