Byjy stansasynda temirjolshylarǵa eskertkish taqta ornatyldy

TALDYQORǴAN. QazAqparat - Almaty oblysynyń Kóksý aýdanyna qarasty Byjy stansasynyń qurylǵanyna 90 jyl. Mereıtoı aıasynda stansanyń negizin qalap, qyzmet etken temirjolshylarǵa eskertkish taqta ornatyldy, dep habarlaıdy QazAqparat tilshisi.

1929 jyly Túrkisib-Sibir temirjolynyń 1 418-shi shaqyrymynda IV sanatty stansa qurylyp, mańynda aǵyp jatqan Byjy ózeniniń atymen atalǵan bolatyn.

90 jyldyqqa arnalǵan shara barysynda ǵumyryn, jastyq jigerin toqtaýsyz júretin vagondarǵa, jolaýshylar tasymalyna arnaǵan eńbek ıeleri - temirjolshylardyń rýhyna taǵzym etildi. Aýdan basshylary, Almaty jol dıstantsııasynyń ókilderi men temirjolshylardyń urpaqtary jergilikti metsenattar kómegimen turǵyzylǵan memorıaldyq keshenge gúl shoqtaryn qoıdy. Eskertkish taqtaǵa 150 temirjolshynyń esimi jazylǵan.

Byjy stansasynda Muqyr mashına-traktor sheberhanasynyń munaı qoımasy bolǵan. Osy qoımadan aýdanǵa qajetti barlyq janar-jaǵar maı tasymaldanǵan. Byjy stansasynda temirjolǵa qajetti qum-qıyrshyq kareri de jumys istedi. Bul karerdiń 75 paıyzy Túrkisib temirjolyn salý barysynda paıdalanǵan.

Aıta ketrligi, 2020 jyldyń 28 sáýirinde Túrkistan-Sibir temirjol magıstraliniń paıdalanýǵa berilgenine 90 jyl tolady.