Bıýdjettiń munaıǵa táýeldiligi tómendep keledi

NUR-SULTAN. QazAqparat – Respýblıkalyq bıýdjettiń munaıǵa táýeldiligi birtindep tómendep keledi. Bul týraly Májiliste «2023-2025 jyldarǵa arnalǵan respýblıkalyq bıýdjet týraly» zań jobasyn tanystyrǵan Qarjy vıtse-mınıstri Tatıana Saveleva aıtty, dep habarlaıdy QazAqparat tilshisi.

«Munaıǵa qatysty emes túsimderdiń úlesi 2022 jylǵy 59,8 paıyzdan 2025 jylǵa qaraı 78,2 paıyzǵa deıin ósimmen kózdelgen. Absolıýttik mánde 2023 jyly munaı túsimderi osy jyldyń naqtylanǵan josparyna 3,4 trln teńgege nemese 35,9 paıyzǵa ulǵaıýmen 12,8 trln teńge kóleminde josparlanyp otyr. Munaıǵa qatysty emes sektordan túsetin kirister kóleminiń ulǵaıýy bıýdjettiń munaıǵa táýeldiliginiń birtindep tómendegenin kórsetedi», - dedi ol.

Jalpy, onyń dereginshe, transfertterdi esepke almaǵanda 2023 jylǵy kirister 13,9 trln teńge nemese túsimderdiń jalpy somasynyń 78,1 paıyzy kóleminde josparlanyp otyr.

«Eń kóp úlesti salyq túsimderi - korporatıvtik tabys salyǵy, qosylǵan qun salyǵy jáne halyqaralyq saýdaǵa salynatyn salyqtar alyp otyr», - dedi Tatıana Saveleva.