Bıýdjet kirisiniń úshten biri Ulttyq qordan bólingen – Esep komıteti
«Respýblıkalyq bıýdjet salasyndaǵy zańbuzýshylyqtar 27%-ǵa azaıdy, 2020 jyly 570 mlrd teńgege, 2021 jyly – 413 mlrd teńgege zańbuzýshylyqtar anyqtalǵan. Bıýdjet qalaı qalyptasady? Birden problemalarǵa kósheıin. Bıýdjet belgisiz sebeptermen bir jyldyq shyǵyndarǵa qarjy jetpeıtindeı etip josparlana bastady. Bul nonsens. Eger kommýnaldyq qyzmetterdi tóleýge aqsha jetpese, páterdi kúrdeli jóndeýdi josparlamaımyz ǵoı. Memleket basshysynyń bastamalaryn qospaǵanda – bul bıýdjetti sapasyz josparlaý jáne oǵan Qarjy mınıstrliginiń kelisim berýi. Sodan keıin memleket Ulttyq qordan osy kezekti shyǵyndarǵa resýrs bólýge májbúr bolady. Biz shyǵyndardyń basymdyǵyn tereń zerttemeı-aq bıýdjetti bekitip jiberemiz, sodan keıin bir jylda besinshi bóligin túzetip, qaıta qarajat bólemiz. Jobalar sanyn arttyrý úshin jobalyq-smetalyq qujattama ázirleýge 50 mıllıonnan bıýdjet qarjysyn beremiz, kelesi jyly olardy qarjylandyrý máselesin oılamaımyz», - dedi N. Godýnova Májilistiń jalpy otyrysynda.
Onyń aıtýynsha, kiristerdiń úshten birinen astamy – 36% Ulttyq qor qarajaty esebinen qalyptasqan.
«Bul kórsetkish sońǵy úsh jyl boıy joǵary deńgeıde qalyp otyr, al memlekettik qazynany salyqtyq ákimshilendirý esebinen tolyqtyrý rezervi aıqyn kórindi. Ókinishke qaraı, bıyl da memlekettik aýdıt Memlekettik kirister komıteti salyq jáne kedendik ákimshilendirýdi jaqsartý arqyly keldi dep málimdegen qosymsha túsimderdi rastamady. Biz jarııalanǵan 684 mıllıardtyń 378 mıllıardyn ǵana, 1,8 ese az qarajatty rastaı aldyq», - dedi N. Godýnova.
