Byltyr Ystanbulda jarylys jasaǵan terrorıstiń kózi joıyldy

YSTANBUL. Anadoly-QazAqparat - Túrkııanyń ulttyq barlaý uıymy (MIT) Sırııanyń soltústiginde YPG uıymy terrorısiniń kózin joıý úshin operatsııa ótkizdi. Halıl Mendjı Ystanbuldaǵy Istıklıal kóshesinde terrorlyq shabýyldy josparlap, belsendi qatysqan, dep habarlaıdy QazAqparat Anadolyǵa silteme jasap.

2022 jylǵy 13 qarashada Ystanbuldyń Taksım aýdanynda bolǵan jarylystan alty adam qaza taýyp, 81 adam jaraqat alǵan edi.

Túrkııa barlaý agenttikteriniń habarlaýynsha, Mendjı eki adamyn - Ahlam Albashır Saleh pen Bilál Hasandy lańkestik áreket jasaýǵa joldaǵan. Sońǵysy tipti onyń kómegimen shetelge qashyp úlgergen.

Shabýyldan keıin YPG basshylary Halıl Mendjıdi Sırııa aýmaǵynda jasyryp, qorǵaýǵa tyrysty.

MIT málimetinshe, Halıl Mendjı 2023 jyldyń 22 aqpanynda Qamysty aýdanynda óltirilgen.

AQSh pen Eýropalyq Odaq YPG bir tarmaǵy sanalatyn PKK-ny (Partiya Karkerên Kurdistan) terrorıstik uıymdardyń tizimine engizdi.

Ankara osy jaǵdaıdy ońtaıly sheshý joldaryn tabýǵa tyrysqanymen terrorıstik uıym 2015 jyldyń shildesinde qarýly shabýyldardy qaıta bastady.

Sońǵy jyldary PKK aımaqtaǵy qandy qylmystar úshin jaýapkershilikti óz tarmaqtaryna artýǵa tyrysyp júr.

Sırııada PKK lańkesteri PYD jáne YPG ataýlarymen belgili. Sońǵy eki jylda ózderin «sırııalyq demokratııalyq kúshter» dep ataı bastady.

Iranda PKK «Kúrdistannyń erkin ómir partııasy» (PJAK) dep atalady.