Byltyr sanıtarlyq avıatsııa 38 ret donorlyq organdardy tasymaldaǵan
«Ótken jyldyń 12 aıynda sanavıatsııa mamandary 2 700 medıtsınalyq qyzmet kórsetti. Onyń ishinde 2143 patsıentterdi tasymaldaý, 433 konsýltatsııa men 124 ota jasaldy. Sonymen birge, 38 donorlyq organ tasymaldandy», dep habarlaıdy QR Densaýlyq saqtaý mınıstrliginiń baspasóz qyzmeti.
Atalǵan merzim ishinde sheteldik emhanalar men medıtsınalyq uıymdardaǵy QR azamattary-patsıentterin Astana jáne Almaty qalalaryna emdeý sharalaryn jalǵastyrý úshin Máskeýden (Reseı) - 2 ushyrylym, Izmır (Túrkııa), Pýsan (Ońtústik Koreıa), Tsveıbrıýken (Germanııa), Praga (Chehııa), Bishkek (Qyrǵyzstan), Antalııa (Túrkııa), Mınsk (Belarýs) qalalarynan 1 ushyrylymnan jasalyp, naýqastar tasymaldandy.
Sanıtarlyq avıatsııanyń mobıldik brıgadalary balalar jasyndaǵy patologııa, jaraqattanýshylyq, qaıǵyly oqıǵalar jáne tamaqtan ushyný, akýsherlik-gınekologııalyq patologııalar, qan aınalymy júıesi aýrýlary, jańa týǵan nárestelerdiń patologııalary jáne ózge de aýrýlar boıynsha medıtsınalyq kómek kórsetti.
Sonymen birge, 2016 qańtar-jeltoqsan aılarynda sanıtarlyq avıatsııanyń mobıldik brıgadalary ártúrli jaraqat alǵan 2 691 patsıentke, onyń ishinde jol-kólik apatynan zardap shekken 2 77 adamǵa medıtsınalyq kómek kórsetti.
Respýblıkalyq sanıtarlyq avıatsııa ortalyǵynyń jumys isteý merziminde asa bilikti, mamandandyrylǵan jáne joǵary mamandandyrylǵan medıtsınalyq kómektiń shuǵyl ári ýaqytyly kórsetilýi nátıjesinde, mamandardy elimizdiń shalǵaıdaǵy aýdandaryna jetkizý, syrqat adamdardy sonymen birge, aǵzalardy ári qaraı transplantatsııalaý maqsatynda tasymaldaý arqyly myńdaǵan adamnyń ómiri saqtaldy.
Sanavıatsııa mamandary óz biliktilikterin únemi arttyryp otyrady. 2016 jyly olar qaıta daıarlaýdan ótip, «Kardıologııa», «Jan saqtaý jáne shuǵyl jaǵdaıdaǵy ıntensıvti terapııa», «Shuǵyl medıtsınalyq kómek feldsheriniń jumysy», «Gospıtalǵa deıingi kezeńdegi shuǵyl dárigerge deıingi kómek», «Qıyn jaǵdaıdaǵy jedel medıtsınalyq kómek», «Pedıatrııadaǵy shuǵyl medıtsınalyq kómek», «Gospıtalǵa deıingi kezeńdegi jan saqtaýdyń ózekti máseleleri oryn alǵan shuǵyl jaǵdaı», «Avıatsııalyq fızıologııa - bıiktik erekshelikterin eskere otyryp, medıtsınalyq kómek kórsetýdiń klınıkalyq erekshelikteri. Aýrýlardy tasymaldaý kezindegi medıtsınalyq kórsetilimder men keri áserler», «(BLS/AED provider avtomatty syrtqy defıbrıllıatsııasy men bazalyq jan saqtaý kýrsy», «(BLS/AED provider avtomatty syrtqy defıbrıllıatsııasy men bazalyq jan saqtaý boıynsha nusqaýshylar kýrsy» taqyryptary boıynsha sertıfıkatsııalandy.
Áýe tasymaldaýshylary men sanıtarlyq avıatsııanyń arnaıy brıgadalaryn shaqyrý - táýlik boıy, kez kelgen kómekke zárý azamatqa, qozǵalys baǵytynyń qıyndyǵyna qaramastan, jyldam ári sapaly medıtsınalyq kómek kórsetýge múmkindik beredi. Joǵary tehnologııaly, zamanaýı medıtsınalyq jabdyqtarmen qamtamasyz etilgen ushyrylymdardy joǵary deńgeıde uıymdastyrý patsıentterge medıtsınalyq kómekti jaıly, qaýipsiz ári barynsha jyldamete túsedi.
Esterińizge sala keteıik, sanıtarlyq avıatsııa - qyzmeti elimizdiń shalǵaı óńirlerindegi turǵyndarǵa ýaqytyly, sapaly medıtsınalyq kómek kórsetýge negizdelgen áleýmettik baǵyttaǵy densaýlyq saqtaý salasynyń erekshe uıymy bolyp tabylady.