Byltyr «Qorǵasta» 1 mln 200 myń týrıst boldy
«Qazaqstan temir joly» kompanııasy baspasóz qyzmetiniń málimetinshe, «Qorǵasqa» barýshylar 2018 jyly 2017 jylmen salystyrǵanda 8 paıyzǵa artqan.
«Buǵan týrısterdiń qatynaýy men ınvestorlardyń bıznesin ashyq júrgizýi úshin jaǵdaılar jasaý jónindegi qabyldanǵan sharalar yqpal etken. Sonymen, júk termınalynyń aýmaǵy 900-den 3 500 sharshy metrge deıin ulǵaıtyldy jáne jańǵyrtyldy. Aýmaǵy 1 800 sharshy metrdi quraıtyn jaılylyǵy joǵary kútý zaly da bar.
15 tonnalyq shaǵyn júk kólikteri bar park jańartyldy. Bul kelýshiler júkterin qabyldaý núktesinen júk termınalynyń berý orynyna deıingi aralyqqa jetkizý ýaqytyn qysqartýǵa múmkindik berdi. Kelýshilerdiń jaıly qozǵalysy boıynsha biryńǵaı operator jumys isteýde», - delingen habarlamada.
Qazirgi tańda «Qorǵas» arnaıy ekonomıkalyq aımaǵy qazaqstandyq jáne sheteldik qatysýshylaryn áleýmettikten ózge, negizgi salyqtardan bosatý týraly másele sheshilýde.
QR men QHR aıryqsha jobasy «Qorǵas» HShYO - saýda, ekonomıkalyq, týrıstik jáne ınvestıtsııalyq yńtymaqtastyq úshin qazaqstandyq bóliktegi aýmaqqa ınvestıtsııa tartý men kásipkerlik qyzmetterdi damytýda AEA statýsy qolaıly jaǵdaılar jasaıdy.
2018 jyldyń qorytyndysy boıynsha 193 myń sharshy metr ǵımarat aýmaǵy jáne 32,7 gektar aýmaqta qurylys júrgizýge 12 ınvestıtsııalyq kompanııa tartyldy.
Aıta keterligi, «Qorǵas» HShYO jumys istegen jyldary ınvestıtsııalyq nysandardy salýǵa 21 kelisim jasaldy. Infraqurylymdyq nysandardy qospaǵanda, jer ýchaskeleriniń aýmaǵy 113,5 gektardy qurasa, ǵımarattardyń aýmaǵy 805,4 myń sharshy metrge jetti.
