Byltyr 1002 laýazym ıesi sottaldy - Alık Shpekbaev

NUR-SULTAN. QazAqparat – Byltyr 1002 laýazym ıesi sottaldy. Bul týraly Sybaılas jemqorlyqqa qarsy is-qımyl agenttiginiń tóraǵasy Alık Shpekbaev málim etti, dep habarlaıdy QazAqparat tilshisi.

Onyń sózine qaraǵanda, byltyr sybaılas jemqorlyq táýekelderin joıý týraly 2 myńnan asa usynystar engizildi, 800-den asa uıymdastyrý sharalary qabyldandy, 63 normatıvtik-quqyqtyq aktige ózgertýler engizildi. Qylmystyq isterdi tergeý nátıjeleri boıynsha 3 myńǵa jýyq usynymdar engizilip, nátıjesinde 1 175 laýazymdy tulǵa tártiptik jáne ákimshilik jaýapkershilikke tartyldy.

«Qylmystyq-quqyqtyq sharalar nátıjesine toqtalsaq, 1 717 sybaılas jemqorlyq qylmysy tirkeldi, onyń jartysynan astamy paraqorlyq faktilerine tıesili. 1002 laýazym ıesi sottaldy. Adamdardyń keń shoǵyrynyń qatysýymen bolǵan júıelik jemqorlyq eń qaýipti bolyp tur. Esepti jylda osyndaı 112 fakti anyqtaldy. Keltirilgen shyǵyn somasy 24,6 mlrd teńgeni qurap, 22,7 mlrd teńgesi óteldi», - dedi agenttik basshysy 2019 jyldyń qorytyndysyna arnalǵan agenttiktiń alqa májilisinde.

Sonymen qatar ol kvazımemlekettik sektorda 324 jemqorlyq qylmysy anyqtalǵanyn, 160 laýazymdy tulǵa sottalǵanyn jetkizdi.

Budan buryn habarlanǵandaı, alqa májilisinde Alıek Shpekbaev jemqorlyq týraly habarlaǵandarǵa beriletin eń joǵary syıaqy 10,6 mln teńge bolatyndyǵyn málim etti.