BUU stıpendıattary Qazaqstanǵa saparlaıdy

NUR-SULTAN. QazAqparat – Birikken Ulttar uıymynyń (BUU) qarýsyzdaný salasyndaǵy stıpendıattary Qazaqstanǵa saparmen keledi. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Osy jyldyń 24-28 qyrkúıegi aralyǵynda qarýsyzdaný salasyndaǵy Birikken Ulttar Uıymy baǵdarlamasynyń stıpendıattary Qazaqstan Respýblıkasyna saparlaıdy. Bul baǵdarlama jyl saıyn BUU Qarýsyzdaný máseleleri jónindegi basqarmasynyń qoldaýymen álemniń 25 elinen kelgen jas dıplomattar úshin ótkiziledi. Olar ózderiniń kásibı mansabyn odan ári qarýsyzdaný taqyrybymen baılanystyrady dep kútilýde», - dedi SІM ókili vedomstvonyń apta saıyn ótetin brıfıngi barysynda.

Onyń atap ótýinshe, baǵdarlama jumys istegen jyldar ishinde Uıymnyń stıpendıattary Qazaqstanǵa 2013, 2015 jáne 2019 jyldary kelgen.

«Sapardy QR Syrtqy ister mınıstrligi, Energetıka mınıstrligi jáne Ulttyq ıadrolyq ortalyǵy birlesip uıymdastyrady. Onyń aıasynda stıpendıattar Kýrchatov qalasyna, burynǵy Semeı synaq polıgonynyń aýmaǵyna barady. Sondaı-aq Ulttyq ıadrolyq ortalyqtyń qyzmetimen tanysady», - dedi Aıbek Smadııarov.

Osyǵan deıin Rım Papasynyń messa rásimine qaı elderden dindarlar keletini habarlandy.