BUU Naýryz merekesin qarsy aldy

ASTANA. QazAqparat - Naýryz aıynda ǵalamshardyń 300 mıllıon turǵyny Naýryz merekesin atap ótedi. Bul kúni ońtústik jartysharda kúz bolsa, soltústikte - kóktem. Naýryzdy Balqan, Qara teńiz, Kavkaz, Ortalyq Azııa jáne Taıaý Shyǵys elderi birneshe myńdaǵan jyldar boıy atap ótip keledi. Bul týraly BUU Jańalyqtar ortalyǵynyń habarlamasynda aıtylǵan.

2009 jyly Naýryz merekesiAdamzattyń materıaldyq emes mádenı murasynyń reprezentatıvti tizimine engizilse, 2010 jyly BUU-nyń Bas Assambleıasy ony halyqaralyq kún dep jarııalady.

«Bul kúni bizdiń ólkede aýylsharýashylyq jumystary bastalady. Bul ókpe-renishti umytyp, keshirý jáne qurmetteý kúni.  BUU Bas Assambleıasynyń rezolıýtsııasyna sáıkes, bul mereke halyqaralyq kún retinde atalyp ótiledi. Sondyqtan, Naýryzdy atap ótetin barlyq elder osy merekeni toılaý úshin búgin osy jerde bas qosyp otyr».

«BUU Bas Assambleıasynyń qararyna sáıkes, bul kún halyqaralyq mereke retinde atalyp ótiledi. Naýryzdyń tarıhy «Avesta» - zoroastrızm qasıetti kitaby ýaqytynan bastaý alǵan. Islam oǵan birqatar ózgerister engizdi - mysaly, dastarhandardan sharaptar joıyldy. Ázerbaıjanda Naýryz merekesi bir aı boıy toılanady - ár seısenbini tabıǵattyń dúleı kúshimen: aýamen, jermen nemese otpen baılanystyrady. Kún men jarty aı formasynda táttiler pisirilip, merekelik dastarhanǵa mindetti túrde ómirdiń belgisi retinde «dán» - óngen bıdaı qoıylady», - dedi BUU janyndaǵy Ázerbaıjan turaqty ókili ıAshar Alıev.

Tabıǵatpen úndesý jáne ony saqtaý, beıbitshilik, álsizder men muqtajdarǵa qol ushyn sozý sııaqty BUU men Naýryzdyń mán-mańyzy negizinen sáıkes keledi. 2010 jyly Bas Assambleıa 21 naýryzdy Halyqaralyq Naýryz kúni dep bekitti. Sondyqtan, jyl saıyn osy kúni BUU shtab-páterinde ejelgi mereke atap ótiledi.