BUU Qaýipsizdik Keńesi Aýǵanstanda jańa úkimet qurýǵa shaqyrdy

NЬıÝ IORK. QazAqparat - Aýǵanstandaǵy oqıǵaǵa baılanysty jabyq esik jaǵdaıynda ótken shuǵyl májilisten keıin Qaýipsizdik Keńesiniń músheleri BAQ úshin málimdeme jasady. Onda Aýǵanstandaǵy qaqtyǵystar men zorlyq -zombylyqty tez arada toqtatý, konstıtýtsııalyq tártip pen qaýipsizdikti qalpyna keltirý, ulttyq tatýlasýǵa qol jetkizý jáne kelissózder arqyly shuǵyl jańa úkimetti qurýǵa shaqyrǵan. Bul týraly QazAqparat BUU jańalyqtar ortalyǵyna silteme jasap habarlaıdy.

Qaýipsizdik Keńesi BUU men onyń gýmanıtarlyq seriktesterine muqtaj adamdarǵa kómek kórsetý múmkindigin berý, sondaı-aq gýmanıtarlyq qyzmetkerlerdiń, dárigerler men aýdarmashylardyń qorǵalýyn qamtamasyz etý qajettigin málimdedi. Halyqaralyq gýmanıtarlyq quqyqty buzǵandar jaýap berýi tıis.

Sonymen qatar, Qaýipsizdik Keńesiniń músheleri Aýǵanstan aýmaǵyn basqa elderge qaýip tóndiretin lańkesterdiń alańy retinde paıdalanýǵa bolmaıtyndyǵyn atap ótti.