BUU qarýsyzdaný baǵytyndaǵy kelisimderdiń merzimin uzartýdy qoldaıdy
ASTANA. KAZINFORM – Birikken Ulttar Uıymy qarýsyzdaný týraly kelisimderdiń merzimin sozýdy qoldaıdy. Bul týraly brıfıng barysynda halyqaralyq uıymnyń resmı ókili Stefan Dıýjarrık Reseı prezıdenti Vladımır Pýtınniń Strategııalyq shabýyldaýshy qarýlardy qysqartý kelisiminiń ári qaraıǵy taǵdyry týraly saýalyna pikir bildire kele aıtty, dep jazady reseılik TASS.
-Biz qarýsyzdaný boıynsha kelisimderdiń ýaqytynyń merzimin uzartýdy qoldaımyz, -dedi ol ózine qoıylǵan saýalǵa jaýap bere otyryp.
22 qyrkúıek kúni Pýtın Reseıdiń Strategııalyq shabýyldaýshy qarýlardy qysqartý kelisimi merziminiń 2026 jyldyń aqpanynda aıaqtalǵanynan keıin jyl boıyna atalǵan qujattyń ortalyq shekteýlerin ustanýǵa daıyn ekenin málim etti. Bul rette ol týra osyndaı talaptardy AQSh-tyń da oryndaýy qajettigin eskertti.
Óz kezeginde Aq úıdiń baspasóz hatshysy Kerolaın Lıvıtt AQSh prezıdenti Donald Tramptyń Pýtınniń usynysy jóninde habardar ekenin, kelisim merzimi aıaqtalǵan soń, osy máselege qatysty pikir bildiretinin jetkizdi.
Osyǵan deıin BUU jıynynda ne aıtylǵany týraly jazdyq.