BUU boljamy: 2050 jyly Qazaqstanda 10 turǵynnyń 7-eýi qalada turady
Energyprom.kz málimetinshe, Qazaqstanda qurylys salasy halyq ósimi qarqynynan birneshe ese joǵary. Máselen, osy jyldyń 7 aıynyń qorytyndysynda elimizde 7,7 mln sharshy metr turǵyn úı paıdalanýǵa berildi. Bul ótken jylǵy kórsetkishten 10,3 paıyzǵa kóp. Munyń ústine jalpy paıdalanýǵa berilgen 4 baspananyń úsheýi, naqty aıtqanda 5,7 mln sharshy metr turǵyn úı qalalarda salynǵan. Bıyl elimizde 17 mln sharshy metr turǵyn úıdi paıdalanýǵa berý josparlanyp otyr. Atalǵan jospar oryndalsa onda ol jańa rekordtyq kórsetkish bolmaq.
Al Qazaqstan halqynyń jyldyq ósimi nebári 1,3 paıyz shamasynda ǵana. 2021 jyldyń 1 shildesinde elimizde 19 mln adam tirkelgen. Qala halqy 2 paıyzǵa jýyq ósip, 11,3 mln adamǵa jetken. Bul elimizdegi jalpy halyq sanynyń 59,2 paıyzyn quraıdy,
Elimizde turǵyn úı qurylysy salasyndaǵy qarqyndy ósimge memlekettik baǵdarlama aıasyndaǵy qoljetimdi ıpotekalyq nesıe sep bolyp otyr. Tek osy jyldyń 7 aıynda ǵana «Otbasy» banki 183,9 mlrd teńgege jańa baspana satyp alý úshin 14,4 myń nesıe berdi. «Otbasy» bankiniń jáne ózge de damý ınstıtýttary men memlekettik baǵdarlamalardyń arqasynda elimizde ýrbanızatsııa qarqyn alyp kele jatyr. BUU Ekonomıkalyq jáne áleýmettik máseleler departamentiniń boljamyna qaraǵanda, 2050 jylǵa qaraı Qazaqstanda ýrbanızatsııa deńgeıi 69,1 paıyzǵa jetedi. ıAǵnı, elimizdiń 10 turǵynynyń 7-eýi qalada turatyn bolady.
Salystyrmaly túrde aıtar bolsaq, álemde ortasha boljamdy kórsetkish – 68,4 paıyz. Bul rette Azııa úshin 66,2, Ortalyq Azııa úshin 60,5 paıyzdy quraıdy. Tabys deńgeıi joǵary elderge arnalǵan bul boljam 88,4, tabysy tómen elder úshin 50,2 paıyz shamasynda. Osy turǵydan alǵanda Qazaqstanǵa arnalǵan boljam omtımıstik deýge bolady.
