BUU Bas Assambleıasy Mahmýd Abbasqa sóz sóıleýge ruqsat etti

ASTANA. KAZINFORM – BUU Bas Assambleıasy Palestına prezıdenti Mahmýd Abbastyń kelesi aptada ótetin 80-sessııada aldyn ala jazylǵan beıneúndeý arqyly qatysýyna múmkindik beretin qarardy qabyldady, dep habarlaıdy Anadoly.

Bul qujat AQSh Abbasqa vıza berýden bas tartyp, onyń Nıý-Iorkke barý múmkindigin shektegennen keıin daýysqa shyǵaryldy.

Daýys berý barysynda 145 memleket qarardy qoldady, AQSh bastaǵan bes el qarsy boldy. Taǵy alty memleket daýys berýge qatysqan joq.

AQSh bıligi buǵan deıin palestınalyq delegatsııaǵa — prezıdent Abbasqa, Palestına ákimshiligi men Azat etý uıymynyń ókilderine vıza berýden bas tartqan bolatyn. Memlekettik departamenttiń málimetinshe, bul sheshim tamyz aıynyń sońynda, jyl saıynǵy Bas Assambleıa sessııasynyń aldynda, memlekettik hatshy Marko Rýbıonyń bastamasymen qabyldanǵan.

Sheshim jarııalanǵan kúni Izraıl áskeri Gaza sektoryn urys aımaǵy dep jarııalaǵan edi.

Osyǵan deıin BUU konferentsııasynda 10 memleket Palestınany moıyndaıtyny týraly jazdyq.