BUU áıelderi qazaqstandyq sırek kásip ıeleriniń fotosyn jarııalady
«Men bala kezden polıtsııa qyzmetkeri bolýdy armandadym,- deıdi Astana qalasy Іshki ister departamenti Jergilikti polıtsııa qyzmeti Áıelderdi zorlyq-zombylyqtan qorǵaý bólimshesiniń aǵa ınspektory Aqmaral Serikbaeva. «Joǵary oqý ornyn támandaǵannan keıin zań fakýltetine syrttaı oqýǵa túsip, ishki ister organdarynda taǵylymdamadan óttim. Men jumysqa turǵan jyldary (2000-2002) ishki ister organdaryna qyzdardy qyzmetke kóp almaımyn. Alaıda men alǵan betimmen qaıtqan joqpyn, ózim tańdaǵan súıikti kásiptiń ıesi atandym»,- deıdi Aqmaral.
Foto kórmeniń kelesi keıipkeri óziniń súıikti kásibine birden qol jetkize qoıǵan joq. Natalıa Lınchenko zań mamandyǵyn bitirip, sol salada jumys jasady. Alaıda Natalıa tabandylyǵynyń arqasynda óziniń maqsatyna qol jetkizip, áıelder arasynda sırek kezdesetin kásipti ıgerip, ushqysh atandy.
28 jastaǵy baǵdarlamashy mamandyǵy boıynsha jumys jasaıtyn Aqerke Balǵabaeva qyzdardyń basym bóligi jumysqa qabyldanar kezinde otbasy, turmys, bala kútimine qatysty suraqtardyń astynda qalatyndyǵyn jasyrmaıdy. «Meni jumysqa qabyldar aldynda bir kompanııa menen turmysqa shyǵý, júktilik jáne bala kútimi demalystaryna qatysty josparymdy surady. Men ol kezde ózimdi yńǵaısyz sezindim»,- deıdi Aqerke.
Foto kórmeniń taǵy bir keıipkeri - Áıgerim Sabralıeva. Ol fýtbolshy, zańger, Qazaqstan fýtbolshylary kásipodaǵynyń bas hatshysy: «Men fýtbol sportyna 14 jastan bastap qyzyǵýshylyǵym artty. Qazirgi kezde sport meniń ómirim, qyzmetim»,- deıdi Áıgerim.
30 jastaǵy Zýlfııa Baımuhanova munaı-ınjeneri. Zýlfııanyń sózine qaraǵanda, onyń mamandyǵy fızıka jáne matematıka sııaqty naqty ǵylymdardyń qataryn tolyqtyrady. «Men jumysymda ózimniń bilimim men eńbekqorlyǵyma ıek artamyn. Sonyń arqasynda men birinshi sanatty ınjenerden uńǵymalardy zertteý qyzmetiniń jetekshisi qyzmetine kóterildim»,- deıdi Zýlfııa.
Áıelder úshin erekshe kásipti Aıshabıbi Tashkenbaeva tańdaǵan. Ol keme júrgizýshi bolyp qyzmet etedi. Onyń bul mamandyqty tańdaýyna teńizdi sheksiz súıetindigi sebep eken. «Teńizde ózimdi erkin sezinemin. Teńizdegi eń áserli, ádemi kórinis - kúnniń batýy»,- deıdi Aıshabıbi.
«Kópshilik adamdar bizdiń elimizde áıelder fýtbolynyń bar ekendigin bilmeı jatady. Men dál sol áıelder fýtbolymen aınalysatyn adamdardyń birimin. Árıne, men osy salany tańdaǵanda anam onyń áıelder úshin qol emestigin eskertti. Men aıtqanymnan qaıtapadym. Qazirgi kezde áıelder fýtboly damýda. Ony tek er adamdar ǵana oınaıdy degen stereotıp birtindep qalyp keledi»,- deıdi fýtbolshy Begaıym Qyrǵyzbaeva.
«Men Taekvondo WTF 7 dan boıynsha halyqaralyq nusqaýshymyn»,- deıdi Svetlana Kan. Maǵan kóptegen jandar shyǵys sporty názik jandar úshin asa qaýipti ekendigin eskertti. Otbasym, jaqyndarym atalǵan sport túrimen aınalysýǵa qarsy boldy. Alaıda, qazir olar osy sporttyń arqasynda jetken meniń jetistikterimdi kórip qýanady, meni qoldaıdy»,- deıdi Svetlana.
Shekarashy Gúljanat Shyndalıeva qazirgi qyzmetine kezdeısoq keldi. «Meniń joldasym áskerı qyzmetker bolǵandyqtan, ol sala maǵan jaqyn boldy. Men qyzmet barysynda qandaı da bir qıynshylyqtarǵa tap bolǵan emespin jáne de otbasym bul salany tańdaǵanyma qarsy emes, kersinshe qoldaý kórsetedi»,- deıdi Gúljanat.
«Meniń eki mamandyǵym bar jáne onyń ekeýi de erlerge tán kásip»,- deıdi Gúlzada Avkataeva. Birinshi kásibim energetık-jylý ınjeneri, al ekinshi kásibim munaı ınjeneri. Birinshi kásibim boıynsha slesar, operator, ınjener-tehnolog boldym. Al ekinshi kásipti ıgergennen keıin konsýltant jáne joba úılestirýshi qyzmetterin jasap júrmin. Meniń oıymsha, kásip - áıelderdiki, erlerdiki bolyp bólinbeıdi, ol tek kásibı-sheberlerdi ǵana irikteıdi,- deıdi Gúlzada.
