BUU álem elderin olımpıadalyq bitimge shaqyrdy

ASTANA. KAZINFORM – Ejelgi olımpıadalyq dástúr boıynsha jarys ótetin ýaqytta álem elderi soǵysty toqtata turýy kerek, dep jazdy euronews.

BUU men Italııadaǵy qysqy Olımpıada oıyndaryn uıymdastyrýshylar bir-birimen soǵysyp ne janjaldasyp jatqan taraptardy jarys ótip jatqan kezde qarýdy tastaýǵa shaqyrady.

Úndeý oıyndardyń bastalýyna sanaýly kúnder qalǵanda jasalyp, kóne grek dástúri — «ekeheırııaǵa», ıaǵnı olımpıadalyq bitimge súıenedi. Bul dástúr bizdiń dáýirimizge deıingi VIII ǵasyrda qalyptasyp, 1994 jyly Lıllehammerde ótken oıyndar kezinde qaıta jańǵyrtylǵan.

- Etıkalyq turǵydan alǵanda olımpıadalyq bitim soǵysty toqtatý týraly qasıetti uǵym jáne ol oryndalýy kerek, - dep málimedi Afınydaǵy Halyqaralyq olımpıadalyq bitim ortalyǵynyń dırektory Konstantınos Fılıs.

— Іs júzinde bul árdaıym múmkin bola bermeýi múmkin. Alaıda bizdiń úndeýimiz jer sharynyń barlyq aımaǵyna baǵyttalǵan. Múmkindik bar jerde beıbitshilik úshin, tipti shaǵyn bolsa da, keńistik qalyptastyrýǵa umtylýymyz kerek.

Italııanyń bastamasymen 2025 jyldyń qarasha aıynyń sońynda BUU olımpıadalyq kezeńde atysty toqtatý jónindegi qarar qabyldady. Sońǵy onjyldyqtarda Olımpıada oıyndary birqatar mańyzdy bitimderge túrtki boldy.

Osyǵan deıin Astanadan Qysqy Olımpıadaǵa qansha sportshy qatysatyny týraly jazdyq.