BUU: álem boıynsha negizgi azyq-túlik taýarlaryna baǵa tómendeýi jalǵasýda

ASTANA. QazAqparat - Negizgi azyq-túlik taýarlaryna baǵa tórt jyl qatarynan tómendep keledi. Bul týraly BUU Azyq-túlik jáne aýyl sharýashylyǵy uıymynan habarlady. Uıym sarapshylary baǵanyń túsýin jahandyq ekonomıkalyq ósimniń báseńdeýimen jáne mol ónimmen baılanystyrýda.

FAO azyq-túlik baǵasy ındeksiniń ortasha jyldyq máni 2015 jyly 164,1 tarmaqty qurady, bul 2014 jylmen salystyrǵanda, 19 paıyzǵa tómen, dep habarlady BUU jańalyqtar ortalyǵy.

Sarapshylar álemdik ekonomıkanyń báseńdeýi metaldan energetıkaǵa deıin - taýarlardyń túrli sanattaryna baǵanyń kúrt túsýine alyp keldi.

«2015 jyl ishindegi azyq-túlik taýarlaryna baǵanyń tómendeýine negizgi sebep álemdik suranys aıasynda aýqymdy jetkizý men dollar baǵamynyń nyǵaıýy bolyp tabylady», - dedi FAO aǵa ekonomısi Abdolreza Abbassıan.

Ótken jylǵy jeltoqsanda astyqqa baǵa olardyń qarashadaǵy mánimen salystyrǵanda, 1,3 paıyzǵa tómendegen (júgeri óndirýshileri arasynda eksporttyq básekelestiktiń artýy jáne Argentına eksporttyq bajdyń kúshin joıǵannan keıin álemdik naryqqa túsetin bıdaıǵa usynystyń kútilgen ósimi saldarynan).

Sút ónimderine baǵa ındeksi jeltoqsanda 1 paıyzǵa tómendedi. Jeltoqsanda Eýropada shoshqa etine suranystyń artyp, AQSh-tan shyǵatyn ımporttyq sıyr etine suranys tómendeý saldarynan et quny 2,2 paıyzǵa tústi. 2015 jyly et baǵasy ortasha 2014 jylmen salystyrǵanda, 15,1 paıyzǵa tústi.

Jeltoqsanda qantqa baǵa 0,6 paıyzǵa qymbattady, alaıda tutastaı alǵanda, 2015 jyly ol ótken jylǵy kórsetkishtermen salystyrǵanda, 21 paıyzǵa arzan boldy.