Buryn kezekten tys saılaý týraly habarlandyrý men tıisti Jarlyqqa qol qoıý bir kúnde bolatyn - saıasattanýshy
«Prezıdent merziminen buryn saılaý jarııalaý nıeti týraly 1 qyrkúıekte Qazaqstan halqyna Joldaýy kezinde málimdedi. ıAǵnı, yqtımal úmitkerlerdiń resýrstaryn baǵalaý jáne aldaǵy kezekten tys saılaýǵa qatysý týraly sheshim qabyldaý úshin úsh aptaǵa jýyq ýaqyt boldy.
Saılaý kúni negizdelgen, óıtkeni Prezıdent Joldaýynda saılaý osy kúzde ótetinin aıtty. Biraq buryn kezekten tys saılaý ótkizý týraly habarlandyrý jáne ótkizý týraly Jarlyqqa qol qoıý bir kúnde bolatyn. Qazirgi jaǵdaıda Memleket basshysy saılaý ótkizý týraly jarııalaǵanynan keıin Jarlyqqa qol qoıǵanyna deıin bir aıdaı merzim ótti»,- deıdi sarapshy.
Onyń paıymynsha, qarashanyń aýa raıy jaǵdaılary azamattardyń daýys berýge qatysýyna áser etpeıdi.
«Adamdar prezıdenttik saılaýǵa belsendi qatysady. Tarıhymyzda qysta Prezıdent saılaýy úsh ret ótti: 1991 jylǵy 1 jeltoqsanda, 1999 jylǵy 10 qańtarda jáne 2005 jylǵy 4 jeltoqsanda. Bul saılaýǵa saılaýshylardyń kelýi 77,1% jáne 88,2% arasynda boldy. Sondyqtan qarashanyń aýa raıyna qaramastan azamattardyń daýys berýde joǵary belsendiligin kútýge bolady», - deıdi saıasattanýshy.
Sondaı-aq, ol bul saılaýdyń ereksheligi naýqan álemdegi kúrdeli geosaıası jáne makroekonomıkalyq jaǵdaımen tuspa-tus kelýimen erekshe ekenin aıtady.
«Qazir ishki saıası jáne áleýmettik-ekonomıkalyq jaǵdaıdyń turaqtylyǵyn qamtamasyz etý burynǵydan da mańyzdy. Bul saılaýdyń taǵy bir ereksheligi - ol Prezıdenttiń ókilettikteri aıtarlyqtaı qysqarǵan kezde jańa jaǵdaıda ótedi. Endi Prezıdenttiń partııa múshesi bolýǵa quqyǵy joq, tek bir merzimge saılanady jáne qaıta saılanýǵa quqyǵy joq. Prezıdent laýazymyna aldaǵy kúresti qıyndatatyn basqa da kóptegen shekteýler bar», - deıdi Ermek Toqtarov.
Eske salaıyq, QR Prezıdentiniń kezekten tys saılaýy 20 qarashada ótedi .
Foto: kisi.kz
