Burshaq jaýyp, daýyl soǵady: Búgingi kún raıyna boljam jasaldy

ASTANA. KAZINFORM — «Qazgıdromet» RMK 11 tamyzǵa arnalǵan aýa raıy boljamyn usyndy.

Sınoptıkter boljamyna sáıkes, antıtsıklon sileminiń áserinen Qazaqstan aýmaǵynyń basym bóliginde jaýyn-shashynsyz aýa raıy kútiledi. 

— Tek eldiń batysynda, soltústik-batysynda, soltústiginde atmosferalyq fronttardyń ótýimen naızaǵaımen jańbyr jaýady, burshaq, daýyl kútiledi. Respýblıka boıynsha jel kúsheıedi, túnde jáne tańerteń eldiń soltústiginde, ortalyǵynda tuman túsedi, kúndiz eldiń ońtústiginde shańdy daýyl soǵady, — delingen mekeme taratqan aqparatta.

Kúndiz Túrkistan, Jambyl, Qyzylorda oblystarynda 40 gradýs, Almaty oblysynda, Jetisý oblysynda 35-37 gradýs, Ulytaý oblysynda 35-36 gradýs qatty ystyq kútilip otyr.

Sonymen qatar kúndiz batysta, soltústikte, Almaty oblysynyń ortalyǵynda 41 gradýs deıin qatty ysıdy.

Batys Qazaqstan oblysynda, Atyraý oblysynyń batysynda, soltústiginde, ońtústiginde, Aqtóbe oblysynyń batysynda, shyǵysynda, Qyzylorda oblysynyń soltústik jartysynda, Jambyl oblysynyń ońtústiginde, ortalyǵynda, Ulytaý oblysynyń ortalyǵynda, Jetisý oblysynyń ortalyǵynda, batysynda, soltústiginde, Almaty oblysynyń ońtústiginde joǵary órt qaýpi kútiledi.

Budan bólek, Túrkistan, Mańǵystaý oblystarynda, Almaty oblysynyń batysynda, soltústiginde, shyǵysynda, Qyzylorda oblysynyń ońtústik jartysynda, Jambyl oblysynyń shyǵysynda soltústiginde, batysynda, Atyraý oblysynyń shyǵysynda, Aqtóbe oblysynyń ońtústiginde, Qostanaı, Qaraǵandy, Ulytaý oblystarynda, Abaı oblysynyń ońtústiginde tótenshe órt qaýpi bar.

Osydan buryn eldiń batysynda naızaǵaı oınap, jańbyr jaýatyny habarlanǵan edi.