Búrkitshi Aısholpan týraly aǵylshyn tilindegi kitap shyqty

ASTANA. QazAqparat – Elordada ótip jatqan І Ortalyq Azııa medıa forýmynda Lız Ýelshtiń «Búrkitshi» kitabynyń tusaýkeseri ótti, dep habarlaıdy QazAqparat tilshisi.

Aǵylshyn tilinde jaryq kórgen kitaptyń tusaýkeser rásimine QR Prezıdenti Ákimshiligi basshysynyń orynbasary Aıda Balaeva, kitap avtory Lız Ýelsh, shyǵarma keıipkeri, búrkitshi Aısholpan Nurǵaıyp, Aqparat jáne qoǵamdyq damý mınıstri Darhan Qydyráli, Mońǵolııanyń burynǵy prezıdenti Nambaryn Enhbaıar jáne forým qatysýshylary qatysty.

«Búgin keremet sát. Meniń oıymsha, osy qazaqtyń rýhyn kóterip, eńsesin tiktegen taǵy bir jaqsy týyndy qutty bolsyn! Endigi kezekte biz de osy kitapty qazaqshaǵa aýdaryp, buqara halyqqa qoljetimdi jasaý mindetimiz dep bilemin», - dedi Aıda Balaeva.