Býrabaıda jańa kýrort aımaǵy ashylady

ASTANA. QazAqparat – Aqmola oblysynyń ákimi Ermek Marjyqpaev óńirdegi týrızm salasynyń qalaı damyp jatqanyn aıtty, dep habarlaıdy QazAqparat tilshisi.

Ákimniń aıtýynsha, oblysta týrızm salasynda 65 ınvestıtsııalyq joba iske asyrylyp, sol arqyly 200 jumys orny qurylǵan.

«Týrızm – ekonomıkany damytýdyń negizgi salalarynyń biri bolyp qala beredi. Búgingi tańda biz Qazaqstandaǵy týrızmdi damytýdyń bes draıveriniń qataryna kiremiz. Shýche-Býrabaı kýrort aımaǵy oblysymyz boıynsha týrıst kóp keletin kóshbasshy sanalady. Bul - bizdiń aımaqqa keletin búkil týrısterdiń 85 paıyzy. Kýrorttyq aımaqta 9 myńnan astam tósek-orny bar 183 nysan jumys isteıdi. Ótken jyly onda 1 mıllıonnan astam týrıst kelgen», -dedi oblys ákimi ortalyq kommýnıkatsııalar qyzmetinde ótken eseptik brıfıngte.

Ermek Marjyqpaev bıyl oblysqa keletin týrıster sany 1 mln 200 myń adamǵa deıin ulǵaıatynyn aıtty.

«ıAǵnı, biz 200 jumys ornyn quryp, 23 mlrd teńgege 65 ınvestıtsııalyq jobany iske asyrý arqyly týrıst sanyn taǵy bir shırekke arttyramyz. Onyń ishinde «Akbura Resort» kýrort aımaǵy jobasynyń birinshi kezeńi aıasynda qonaq úıi bar mańyzdy nysan – qalalyq ortalyqty ashý josparlanyp otyr. Jalpy bıyl Şýche-Býrabaı kýrort aımaǵyn damytýǵa 64,4 mlrd teńge bólindi», - dedi Ermek Marjyqpaev.