Býrabaıda kazıno zańgeri korrýptsııa úshin sottaldy

ASTANA. QazAqparat – Aqmola oblysynyń Býrabaı aýdanynda Kazınonyń zańgeri para bergeni úshin sottaldy, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

«Bıylǵy 2 mamyrda Býrabaı aýdandyq sotynyń úkimimen kazınonyń zańgeri qomaqty mólsherde para bergeni úshin sottaldy, oǵan jıyrma eselengen mólsherde aıyppul salyndy. Aıyppul somasy 184,5 mln teńgeni qurady.

Ol prokýratýra qyzmetkerine kazınonyń qarjylyq qyzmetine tekserý nátıjeleri boıynsha oń sheshim shyǵarǵany úshin 20 myń AQSh dollary kóleminde para berýde kináli dep tanyldy.

Sottalǵan tulǵa memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan aıyryldy.

Úkim zańdy kúshine engen joq», - delingen málimette.