Býrabaıda elimizde balamasy joq mýltımedıalyq ınteraktıvti keshen ashyldy
BÝRABAI. KAZINFORM – Býrabaı kýrorttyq aımaǵynda Abylaı han alańyndaǵy mýltımedıalyq ınteraktıvti keshen qaıta jańartýdan keıin saltanatty túrde ashyldy. Zamanaýı mýltımedıalyq keshen - Qazaqstandaǵy eń joǵary tehnologııalyq ınteraktıvti mýzeılerdiń biri.
Maýsym aıynda Prezıdent Qasym-Jomart Toqaev týrızmdi damytý jónindegi keńes ótkizip, bul salany álemdik ekonomıkanyń qarqyndy damýynyń katalızatory ekenin aıtqan edi.
«Býrabaı» ulttyq parkiniń eń kórikti ornyndaǵy mýltımedıalyq keshende sońǵy úlgidegi anımatsııalyq jáne aýdıovızýaldy tehnologııalar árbir kelýshige elimizdiń tarıhymen tanysýǵa jáne qazaq mádenıetiniń atmosferasyna enýge múmkindik beredi.
«Mýltımedıalyq ınteraktıvti keshenniń ashylýy — búgingi zamannyń talaby. Saryarqanyń altyn tájindeı kıeli Kókshe óńiri — batyr-bıllerdiń, sal-serilerdiń, jaqsy men jaısańdardyń mekeni. Bul óńir elimizdiń tek týrıstik jaýhary ǵana emes, rýhanı-mádenı ordasy dep bilemin. Qazaqstandaǵy eń joǵary tehnologııalyq jáne ınnovatsııalyq mýzeıdiń ashylýy týrıstik potentsıaldyń odan ári damýyna septigin tıgizedi. Jylyna jarty mıllıon týrıst arnaıy keletin Abylaı han alańynda ornalasqan bul nysan elimizdiń baı tarıhy men mádenıetine tereń boılaýǵa múmkindik beretin jańa mádenı-aǵartý ortalyǵyna aınalaryna senimdimin», — dedi Mádenıet jáne aqparat mınıstri Aıda Balaeva mýzeıdiń ashylý rásiminde.
Mınıstr elorda irgesindegi ásem Býrabaıdyń tumsa tabıǵatyn, tarıhı-mádenı baılyǵyn kópshilikke tanytý óte ózekti ekenin jetkizdi.
«Prezıdent sheshimimen kelesi jyly Býrabaıda ulttyq quryltaı ótedi. Búgingi zamanaýı ınnovatsııalyq keshenniń ashylýy — sol quryltaıǵa úlken daıyndyq dep bilemin. Munda jastar óńirdi ǵylymı-shyǵarmashylyq turǵydan tereń zerttep, mol taǵylym alady. Keshenniń kontentin ulǵaıtyp, odan da qyzyqty etýdi halyqpen tyǵyz aqylasa otyryp jasasaq, qazaqstandyqtar ǵana emes, sheteldik týrıster de qyzyǵýshylyq tanytady», — dedi A. Balaeva.
Mýzeıdiń ashylý saltanatyna arnaıy kelgen Aqmola oblysynyń ákimi Marat Ahmetjanov ta Býrabaıdyń tek qana tabıǵı sulýlyǵymen emes, tereń tarıhymen de qazaq úshin mańyzdy jer ekenin atap ótti.
«Óıtkeni bul elimizdi biriktirgen, bolashaqqa qarqyndy damýǵa sebepker bolǵan aımaq. Búgin de tarıhy mol qazaq eliniń tutas etnomádenıetiniń qurylýyn kórsetetin ortalyq ashylyp otyr. Prezıdent osy týrıstik klasterdi damytý baǵytynda Býrabaı, Shortandy aımaǵyn erekshe atap ótti. Osy zamanaýı ǵımarat týrıstik klasterdi damytýǵa, qazaq eliniń tarıhymen, mádenıetimen tanystyrýǵa taǵy da septigin tıgizedi. Sondyqtan, ashylyp jatqan jańa ǵımarat elimizdiń maqtanyshy bolyp, kelip jatqan qonaqtardyń súıikti demalys ortalyǵyna aınalsyn deımiz», — deıdi óńir basshysy.
Býrabaıdaǵy mýltımedıalyq ınteraktıvti keshen elimizdiń tarıhynyń eń tanymdyq qaınarkózine aınalady, onda eresekter de, balalar da kóptegen tarıhı faktilerdi bilip, kóptegen jańa aqparatty bilip shyǵady.
Mýltımedıalyq ınteraktıvti keshen 9 zalǵa bólingen. «Uly dala murasy» kompozıtsııasynda «Astana balet» ártisteriniń bıi gologramma kómegimen usynylǵan jáne «Hassak» folklor-etnografııalyq ansambliniń áýenderi qoıylǵan.
«Qazaqstanǵa saıahat» bólimi — Býrabaı, Medeý, Shymbulaq, Sharyn kanony, Kaspıı teńizi, Túrkistan, Ústirt ústirti, Muztaý, «Baıqońyr» ǵarysh aılaǵy sekildi elimizdiń týrıstik oryndarynyń baılyǵy men sulýlyǵyn kórsetedi.
«Kýb 360» zaly — beıneni keskindeıtin biregeı tehnologııasy bar Qazaqstandaǵy jalǵyz zal. Bes proektor men eki búıirlik ekran 270 gradýstyq panoramalyq keskin jasaıdy, bul kórermenderge ózin fılmniń bir bólshegi sezinýge múmkindik beredi. Atalǵan format perıferııalyq kórýdi qoldaný arqyly jańa sezimder týdyrady jáne barlyq kórinis bóligin kórýge múmkindik beredi.
«Abylaı han» qysqametrajdy kórkem fılminde qazaq halqynyń birtýar perzenti — Abylaı han atanǵan bala Ábilmansurdyń ómir joly baıandalady. Basty róldi qazaqtyń belgili akteri Jandos Aıbasov somdaǵan.
Sonymen birge, keshende kelýshilerdi qyzyqtyratyn birqatar ınteraktıvti ekspozıtsııalar bar — Abylaı hannyń batasyn estip, sadaq atyp jáne kedergilerdi eńserip júrgen batyr sııaqty sezinýge bolady.
Oıyn túrindegi ınteraktıvti ekspozıtsııalarbalalar men sheteldik qonaqtarǵa ulttyqmýzykalyq aspaptar, oıý-órnekter, sondaı-aq qazaqdalasynyń janýarlar álemi men ósimdikteritýraly bilýge kómektesedi.
Shejire zalynda eldiń ınteraktıvti kartasynanbarlyq qazaq rýlaryn, olardyń tańbasyn jáneturatyn jerlerin biriktiretin sımvoldyq báıterekaǵashy ornalasqan. Mundaǵy maqsat — rýǵa bóliný emes, ár adamnyń shyqqan tegi men tarıhyn bilýge kómektesý.
Mýltımedıalyq ınteraktıvti keshenniń ashylýy — Qazaqstannyń týrıstik salasyn damytýdaǵy mańyzdy qadam jáne mádenıetimiz ben tarıhymyzdy jergilikti turǵyndar men shetel azamattary arasynda tanymal etýdegi mańyzdy úles. Keshendi qaıta jańartý jáne barlyq jóndeý jumystary «Kaspi.kz» AQ demeýshilik qarajaty esebinen tolyq qarjylandyrylǵan.
