Dımash Qudaıbergen Mıhaıl Shaıdorovqa kólik syılady

ASTANA. KAZINFORM — Álemge tanymal qazaqstandyq ánshi Dımash Qudaıbergen Qysqy Olımpıada oıyndarynyń chempıony Mıhaıl Shaıdorovqa temir tulpar syılady. Bul syılyqty Dımash Instagram paraqshasynda jarııalap, Shaıdorovtyń Olımpıadadaǵy jeńisine qurmetin bildirdi.

Óner ıesi jazbasynda Shaıdorovtyń ónerin joǵary baǵalap, onyń jeńisin búkil el úshin mańyzdy oqıǵa retinde atap ótti. Ánshi jazbasynda:

-Qurmetti aǵaıyn, ne degen mereke, ne degen toı! Muz ústindegi qımylyń men óneriń tek chempıon ǵana emes, búkil jurtqa úmit pen rýh, shabyt syılaǵan úlken azamatqa aınaldyrdy. Elimizdiń sańlaǵy, meniń dosym, ózińniń aǵań — halqymyzdyń ókinishke qaraı, mańdaıyna syımaı ketken asyl perzenti Denısimizdi joqtatpaı, aǵańnyń aldyndaǵy boryshyńdy, elimizdiń, halqymyzdyń aldyndaǵy mindetińdi joǵary deńgeıde ótediń, — dep jazdy Dımash Qudaıbergen.

Sondaı-aq, ánshi Olımpıadada óziniń oryndaýyndaǵy ándi tańdaǵany úshin alǵysyn bildirip, chempıonǵa jeke atynan avtokólik syılaıtynyn aıtty:

- Bolashaqta jolyń jarqyn bolsyn, álemdi baǵyndyryp, jańa bıikterge jet! — dep jetkizdi ol.

Budan buryn Prezıdent Mıhaıl Shaıdorovty II dárejeli «Barys» ordenimen marapattaǵanyn jazǵan edik.

Qazaqstan Ánurany araǵa 32 jyl salyp qysqy Olımpıada tórinde taǵy shyrqaldy.

Osylaısha Qazaqstan jalpy esepte 15-orynǵa kóterildi.