Býrabaıda 300 astam adamnyń qatysýymen PikeMan chellendji ótti
KÓKShETAÝ. KAZINFORM – Býrabaı kýrortynda áýesqoı sýda júzýshiler arasynda jyldyń eń jarqyn sporttyq sharalarynyń biri – PikeMan áýesqoı júzý-chellendji ótti, dep habarlaıdy QazAqparat tilshisi.
«Sport, densaýlyq jáne ekologııa» qoǵamdyq birlestigi jáne QR PІB «Býrabaı damý» JShS birlesip ótkizgen sharaǵa 300 astam adam qatysyp, baq synady.
«Jyl saıyn áriptesterimizben birlesip, óńirde buqaralyq sportty jáne týrızmdi nasıhattaý maqsatynda PikeMan áýesqoı júzý-chellendjin ótkizip turamyz. Sharaǵa qatysýshylar sany jyldan jylǵa artyp keledi. Bıyl júzýge 300-ge jýyq adam qatysýy sonyń aıqyn dáleli», - dedi «Býrabaı damý» JShS Bas dırektorynyń orynbasary Shyńǵys Orazalın.
Chellendj barysynda áýesqoılar, balalar jáne tájirıbeli sportshylar sýda 3 shaqyrymdy júzip ótti.
«Býrabaı kýrortyna demalýǵa alǵash ret kelip otyrmyn. Birden osy jarysqa tap boldym. Sol sebepti, óz kúshimdi synap kóreıin dep sheshtim. Jarys tamasha kóńil-kúı syılady», - dep áserimen bólisti Alekseı Nınenko esimdi áýesqoı sýda júzýshi.
Jarys qorytyndysy boıynsha erler arasynda 42 mınýt 39 sekýnd nátıjesimen Astana qalasynan Stanıslav Redko birinshi bolyp márege jetse, áıelder arasynda 61 mınýt 10 sekýndta júzip ótken Aleksandr Sılınaǵa eshkimge des bermedi.
Aıta ketsek, PikeMan áýesqoı júzý-chellendji Býrabaı kýrortynda jyl saıyn ótkizilip turady jáne áýesqoı sýda júzýshiler arasynda tanymaldylyǵy artyp keledi.
Eske salaıyq, budan buryn «Býrabaı» ulttyq parkiniń aýmaǵyndaǵy kólderde sýdyń deńgeıi kóterilgenin jazǵan edik.
