Bul sapar ekijaqty qarym-qatynasqa tyń serpin beredi - Serdjo Mattarella

ASTANA. KAZINFORM - Serdjo Mattarella Italııa men Qazaqstanyń arasyndaǵy berik dostyqty bekemdeı túsý úshin Astanaǵa arnaıy kelgenin atap ótti, dep habarlaıdy Aqordanyń baspasóz qyzmeti.

Onyń aıtýynsha, bul sapar ekijaqty qarym-qatynasqa tyń serpin berip, ony odan ári órkendetýde mańyzdy ról atqarady.

– Italııa men Qazaqstannyń ǵasyrlardan tamyr tartatyn mádenı jáne tarıhı dástúri bar, arheologııalyq jáne kórkemóner murasy óte baı. Bul bizdiń gýmanıtarlyq saladaǵy ózara yqpaldastyǵymyzdy tereńdetýge berik negiz qalaıdy, – dedi Italııa Prezıdenti.

Aıta keteıik, osyǵan deıin Aqordada Memleket basshysy Qasym-Jomart Toqaev elimizge resmı saparmen kelgen Italııa Prezıdenti Serdjo Mattarellany qarsy aldy.

Italııa Prezıdenti birinshi dárejeli «Dostyq» ordenimen marapattaldy.

Memleket basshysy Qasym-Jomart Toqaev pen Italııa Prezıdenti Serdjo Mattarella BAQ ókilderine birlesken málimdeme jasady.