Býharest kóshelerine myńdaǵan adam shyǵyp, jalaqyny kóterýdi talap etti
ASTANA. KAZINFORM — Rýmynııada úkimettiń únemdeý saıasatyna qarsy jappaı sherý ótti, dep habarlaıdy Euronews.
Myńdaǵan adam Býharest kóshelerine shyǵyp, jalaqyny kóbeıtýdi, baǵany jáne jumysshylarǵa salynatyn salyqty tómendetýdi talap etti.
Narazylyq aktsııasyn ondaǵan federatsııalardy biriktiretin Ulttyq kásipodaq blogy uıymdastyrdy. Sherý úkimet ǵımaratynyń aldynda bastalyp, odan keıin qatysýshylar Parlament saraıyna qaraı bet aldy.
Úkimettiń únemdeý baǵdarlamasy salyqty kóterýdi, memlekettik sektordaǵy jalaqy men zeınetaqynyń ósýin toqtatý, memlekettik qurylymdardaǵy shyǵyndar men jumys oryndaryn qysqartýdy qamtıdy.
— Jumysshylar taǵy da óz jumysynyń qurbany boldy. Biz kóp jumys istegenimizge qaramastan, kedeılenip baramyz, — dedi kásipodaq ókilderi.
Olar halyqtyń kedeılenýi memlekettik saıasatqa aınalǵanyn aıtty.
Keıin kásipodaq ókilderi bıliktegi partııalardyń olardy kelissózderge shaqyrǵanyn habarlady. Demonstranttardyń negizgi talaptarynyń qatarynda memlekettik sektordaǵy jumysshylardy qysqartýdy toqtatý jáne salyq tóleýden jaltarýmen kúresti kúsheıtý de boldy.
Aıta keteıik, buǵan deıin Serbııada úkimetti qoldaıtyn sherýge 10 myńnan astam adam jınaldy. Olar Serbııa prezıdenti Aleksandr Výchıchtiń saıasatyn qoldaıtynyn kórsetý úshin Belgradqa jınaldy.