Búginnen bastap elshilikter men konsýldyqtar arqyly sheteldikterge JSN berile bastaıdy
ASTANA. KAZINFORM — Qazaqstan Respýblıkasynyń Reseı Federatsııasyndaǵy elshiligi 18 sáýirden bastap sheteldik azamattar úshin jeke sáıkestendirý nómirin resimdeýge jáne onyń nátıjelerin berýge ótinishterdi qabyldaý jónindegi pılottyq jobany qaıta bastaıdy. Bul týraly Qazaqstan Respýblıkasynyń Reseı Federatsııasyndaǵy elshiligi habarlady.
Bekitilgen jańa algorıtmge sáıkes Qazaqstan Respýblıkasynyń shet elderdegi mekemeleri arqyly JSN kelesi tulǵalarǵa resimdeledi:
- áleýetti ınvestorlarǵa;
- taýarlardy tańbalaý jáne qadaǵalaý sheńberinde taýarlar aınalymyna qatysýshylarǵa;
- Qazaqstan Respýblıkasy azamattarynyń jubaıy bolyp tabylatyn shetel azamattaryna (azamattyq hal aktilerin AHAJ AJ tirkeý týraly belgi qoıý úshin);
- ata-anasynyń biri Qazaqstan Respýblıkasynyń azamaty bolyp tabylatyn shetel memleketiniń balalaryna (16 jasqa deıin);
- murany qabyldaýdy júzege asyratyn shetel azamattaryna;
- Digital Nomad Residency jáne Digital Nomad Visa baǵdarlamalarynyń áleýetti qatysýshylaryna;
- múgedektigi bar shetel azamattaryna;
- 65 jastan bastap shetel azamattaryna;
- ósimdikterdi qorǵaý quraldarynyń (pestıtsıdterdi) óndirýshileri men tirkeýshilerine;
- Qazaqstan Respýblıkasynda tirkelgen zańdy tulǵalardyń, fılıaldardyń jáne (nemese) ókildikterdiń basshylary bolyp tabylatyn shetel azamattaryna.
Qazaqstannyń sheteldik mekemelerinde JSN ala alatyndar qataryna Qazaqstan azamattarynyń jubaıy bolatyn shetel azamattary (AHAT aqparattyq júıesinde azamattyq hal aktilerin tirkeý týraly belgi qoıý úshin), ata-anasynyń biri Qazaqstan azamaty bolǵan jaǵdaıda, 16 jasqa tolmaǵan sheteldik balalar, Qazaqstanda muragerlik quqyǵyn ıelenetin shetel azamattary jatady.
Memlekettik qyzmetti alý úshin Qazaqstan Respýblıkasynyń shet elderdegi mekemesine nemese mınıstrlikke jeke ózi júginedi. Qajet bolatyn qujattar týraly aqparatty myna silteme arqyly ótip bile alasyzdar.
Aıta ketelik pılottyq jobaǵa 100 elshilik pen konsýldyq qatysatyny týraly jazǵan edik.