Búgingi tańda Qazaqstanda áýe kemeleriniń parkinde 104 ushaq bar

ASTANA. KAZINFORM — Búgingi tańda Qazaqstanda áýe kemeleriniń parkinde 104 birlikti quraıdy, onyń ishinde 2025 jyldyń birinshi jartyjyldyǵynda jetkizilgen 6 jańa Airbus A320 tıpti ushaǵy men 1 jańa Boeing 737 MAX 8 ushaǵy bar. Bul týraly Úkimet málim etti.

2030 jylǵa deıin park taǵy 103 ushaqpen tolyqtyrylady, bul 216 birlikke deıin arttyrýǵa múmkindik beredi.

— Bıyl 36 jańa halyqaralyq marshrýt ashylyp, naryqqa 8 sheteldik avıakompanııa keldi. El ishinde 61 baǵyt boıynsha aptasyna 850 reıs jasalady,— dep atap ótti Maqsat Qalıaqparov.

Elimizde kóliktik qoljetimdilikti qamtamasyz etý jáne áleýmettik mańyzy bar baǵyttardy qoldaý úshin Qazaqstannyń 9 oblysynda 21 sýbsıdııalanatyn marshrýt jumys isteıdi. Olardy júzege asyrýǵa 2025 jyly 6,4 mlrd teńge bólindi. Úsharal, Úrjar, Kókshetaý, Túrkistan jáne basqa da týrıstik baǵyttardy damytýǵa erekshe nazar aýdarylyp otyr.