Búgin Zagreb Open reıtıngilik týrnırinde Elmıra Syzdyqova kúresedi
Horvatııa astanasy Zagreb qalasynda ótip jatqan Zagreb Open reıtıngilik týrnırinde búgin Elmıra Syzdyqova (76 keli) kúresedi, dep habarlaıdy Kazinform.
El quramasy sapynda Elmıra Syzdyqova - tájirıbeli balýannyń biri. 1992 jyly Soltústik Qazaqstan oblysynda dúnıege kelgen ol 2016 jyly Rıo-de-Janeıro Olımpıadasynda qola medal aldy.
Al Azııa chempıonatynda 2021, 2023 jyldary altyn alsa, 2015, 2016 jyldarda kúmis júldeger atanyp, 2014, 2018, 2020 jyldarda úzdik úshtikke turaqtady.
Reıtıngilik týrnırde áıelder quramasy sapynda baq synaǵan Irına Kazıýlına (65 keli) men Elena Shalygına (68 keli) júldege qol jetkize alǵan joq.
Aıta ketsek, budan buryn atalǵan reıtıngtik týrnırde Erkin kúresten ulttyq qurama kóshbasshysy Azamat Dəýletbekov (86 keli) kúmis júldeger atandy.
Sondaı-aq bıyl 6-9 maýsym kúnderi Vengrııanyń Býdapesht qalasynda kezekti reıtıngilik týrnır uıymdastyrylady.
Al 11-16 sáýir aralyǵynda balýandar Qyrǵyz eliniń astanasy Bishkekte ótetin jyl saıynǵy Azııa birinshiliginde de reıtıngilik upaılar úshin kúresedi.
