Búgin Úkimet otyrysynda qaı másele kóterilmek
ASTANA. KAZINFORM – Búgin saǵat 10:00-de Úkimettiń kezekti otyrysy bastalady. Onda eńbek naryǵyn damytý jáne tsıfrlandyrý taqyryby qaralady.
Ulttyq statıstıka bıýrosynyń málimetinshe, 2025 jyldyń I toqsanynda respýblıka ekonomıkasynyń túrli salalarynda 9 283,5 myń adam jumyspen qamtyldy, onyń ishinde 7 141 myńy (ekonomıkada jumyspen qamtylǵandardyń jalpy sanynyń 76,9%-y) jaldamaly qyzmetker bolsa, óz betinshe jumyspen qamtylǵandar — 2 142,5 myń adam (ekonomıkada jumyspen qamtylǵandardyń jalpy sanynyń 23,1%-y).
Jumyspen qamtylǵandardyń eń kóp úlesi saýda (17%), bilim berý (13,4%), ónerkásip (12,5%) jáne aýyl sharýashylyǵy (10,3%) salalarynda baıqaldy.
Eske salsaq, byltyr Memleket basshysy Qasym-Jomart Toqaevtyń Jarlyǵymen 2025 jyl Jumysshy mamandyqtarynyń jyly dep jarııalandy.
Sonymen qatar, jumysshy mamandyqtar jyly aıasynda kolledjdermen áriptestik ornatqan kásiporyndar sany artty.
Aıta keteıik, Úkimet otyrysynyń qorytyndysy boıynsha Eńbek jáne halyqty áleýmettik qorǵaý vıtse-mınıstri Asqar Bıahmetovtiń qatysýymen baspasóz máslıhaty ótedi.
Baspasóz máslıhaty Úkimettiń YouTube resmı arnasy men Facebook áleýmettik jelisinde tikeleı efırde kórsetiledi.
Eske salsaq, Qazaqstannyń eńbek naryǵyna jasandy ıntellekt qalaı áser etetinin jazǵan edik.