Búgin Shvetsııada Saam parlamentine kezekti saılaý ótip jatyr

ASTANA. KAZINFORM — Shvetsııada jeksenbi kúni Saam parlamentine saılaý ótip jatyr. Daýys berý quqyǵyna ıe 9755 adam qatysa alady, dep habarlaıdy AZERTADJ.

Daýys berý 21 saılaý ýchaskesinde – eldiń soltústigindegi Karesýando qalasynan bastap ońtústiktegi Stokgolmge deıin ótip jatyr. 2021 jylǵy saılaýda «Saam ańshylary men balyqshylary» partııasy 37 paıyzdan astam daýys jınap, kósh bastaǵan bolatyn. Sáýir aıynda júrgizilgen saýalnama nátıjesine súıensek, bul partııa taǵy da kóshbasshy atanýy múmkin – saılaýshylardyń tórtten birinen kóbi osy partııaǵa daýys berýge daıyn.

2021 jylǵy saılaýda «Saam ańshylary men balyqshylary» partııasy jeńiske jetip, 37%-dan astam daýys jınaǵan bolatyn. 2025 jylǵy sáýirdegi saýalnamaǵa sáıkes, bul partııa bıyl da kósh bastap tur – saılaýshylardyń 40%-dan astamy dál osy partııaǵa daýys berýge daıyn.

Saılaýdyń basty taqyryptarynyń biri — saam qaýymdastyǵyna (sameby) kimniń jatatyny týraly zańnamalyq daýly másele. «Ańshylar men balyqshylar» partııasy men negizgi oppozıtsııa — Saam jerlestik partııasynyń bul máselege qatysty ustanymdary bir-birine qarama-qaıshy. Eger bılik partııasy qaıta jeńiske jetse, onyń jetekshisi Hokan ıÝnsson bul zańdy ózgertýdi maqsat etip otyr. Ol bul daýdy «Saam parlamentin ekige bóletin ótkir másele» dep atady.

Saam parlamenti – saam halqynyń mádenıeti men quqyqtaryna qatysty máselelerdi sheshetin saılanbaly organ jáne memlekettik mekeme. Onyń quramynda 31 depýtat bar, olar tórt jylda bir ret saılanady. Alǵashqy saılaý 1993 jyly ótken.

Parlament sondaı-aq jer paıdalaný, qala qurylysy, buǵy sharýashylyǵy, jabaıy tabıǵatty qorǵaý, ekologııa, klımat jáne bıologııalyq ártúrlilik máselelerimen de aınalysady.

Daýys sanaý bir aptadan keıin bastalady. Qorytyndy nátıjeler 28 mamyrdan keshiktirilmeı jarııalanady.

Budan buryn Shvetsııada joǵary jumyssyzdyq deńgeıi tirkelgeni anyqtaldy.