Búgin shaǵyn fýtboldan álem chempıonaty bastalady
ASTANA. KAZINFORM - Búgin Ázerbaıjan astanasy Baký qalasynda shaǵyn fýtboldan álem chempıonaty bastalady.
Bıyl atalǵan týrnırge barlyǵy 32 qurama qatysady. Onda Qazaqstan quramasy F tobynda synǵa túsedi. Qarsylastary - AQSh, Bosnııa jáne Gertsogovına, Polsha.
Aldymen qazaqstandyq qurama 22 mamyrda Polshamen kezdesse, odan keıin 24 mamyrda Bosnııa jáne Gertsogovına, 26 mamyrda AQSh-pen oınaıdy.
Oıyndar «Qazsport» telearnasynan tikeleı efırde kórsetiledi.
Ózge toptarda quramalar tizimi tómendegishe:
- A toby: Ázerbaıjan, Mavrıtanııa, Slovenııa, Bahreın
- V noby: Rýmynııa, Frantsııa, Chad, Ózbekstan
- S toby: Majarstan, Ýkraına, Anglııa, Túrkııa
- D toby: Slovakııa, Bolgarııa, Portýgalııa, Úndistan
- E toby: Meksıka, Chernogorııa, Taıland, Kosta-Rıka
- G toby: Chehııa, Grýzııa, BAÁ, Argentına
- H toby: Serbııa, Gana, Ispanııa, Izraıl.
Dúbirli doda Búkilálemdik shaǵyn fýtbol federatsııasy (WMF) aıasynda ótkiziledi. Týrnır 21 mamyr-1 maýsym aralyǵynda bolady.
2015 jylǵy alǵashqy týrnırden bastap álem chempıonaty eki jylda bir márte uıymdastyrylady. Ol 2017 jyly Afrıkanyń Týnıs memleketinde bolsa, odan keıin 2019 jyly Aýstralııada, 2023 jyly Birikken Arab Ámirliginde jalaýyn kóterdi. Al 2021 jyly pandemııaǵa baılanysty ótken joq. Qazirge deıin Chehııa 2015 jáne 2017 jyldarda chempıon atansa, 2019 jyly Meksıka, 2023 jyly Rýmynııa kýbokty tóbesine kóterdi.
Álem chempıonaty 1 maýsymda máresine jetedi.
Eske salsaq, shaǵyn fýtboldan Qazaqsan quramasy 2024 jyly Eýropa chmpıonatynda qola aldy.