Búgin respýblıka boıynsha jel kúsheıip, jańbyr jaýady

ASTANA. KAZINFORM – «Qazgıdromet» RMK-sy maýsymnyń 8-si kúngi kún raıy boljamyn jarııalady.

Kásiporyn taratqan derekterge qaraǵanda, tsıklon jáne onymen baılanysty atmosferalyq frontaldy bólikterdiń áserinen Qazaqstan aýmaǵynyń basym bóliginde naızaǵaı oınap, jańbyr jaýady, eldiń batysynda, soltústik batysynda, soltústiginde, ortalyǵynda burshaq jaýady, batysynda, soltústik batysynda, soltústiginde nóser jańbyr jaýady, sondaı-aq respýblıka boıynsha jel kúsheıip, ońtústikte shańdy daýyl turady.

Tek eldiń ortalyǵy men shyǵysynda kún jaýyn-shashynsyz bolady. Qazaqstannyń soltústiginde túngi jáne tańerteńgi saǵattarda tuman túsedi.

Mańǵystaý, Aqtóbe, Jambyl, Almaty, Batys Qazaqstan, Ulytaý, Jetisý oblystarynda, Qaraǵandy oblysynyń batysynda, shyǵysynda, ońtústiginde, Aqmola oblysynyń batysynda, ońtústiginde, ortalyǵynda, Atyraý oblysynyń soltústik batysynda, shyǵysynda, Qostanaı oblysynyń soltústik batysynda, ońtústikshyǵysynda, ortalyǵynda, Pavlodar oblysynyń soltústik shyǵysynda, batysynda, ońtústik shyǵysynda, ortalyǵynda, Túrkistan oblysynyń ortalyǵynda, Abaı oblysynyń batysynda, shyǵysynda, ortalyǵynda, Shyǵys Qazaqstan oblysynyń batysynda, ońtústik shyǵysynda joǵary órt qaýpi saqtalady.

Qyzylorda, Túrkistan oblysynyń soltústiginde, batysynda, ońtústiginde, taý bókterindegi aýdandarda, Jambyl oblysynyń batysynda, shyǵysynda, taýly aýdandarynda, Aqtóbe oblysynyń batysynda, ońtústiginde, ońtústik shyǵysynda, Atyraý oblysynyń ońtústiginde, soltústiginde, batysynda, Almaty oblysynyń batysynda, soltústiginde, Mańǵystaý oblysynyń batysynda, soltústik shyǵysynda, ortalyǵynda, Qostanaı, Abaı, Ulytaý oblystarynyń ońtústiginde, Jetisý oblysynyń soltústiginde, shyǵysynda tótenshe órt qaýpi saqtalady.

Osyǵan deıin maýsym aıynyń aýa raıy boljamyn jııalaǵan edik.