Búgin Ózbekstanda eki ret jer silkindi

TAShKENT. KAZINFORM — Saǵat 21:12–de Tashkent qalasynda jáne Ózbekstannyń basqa aımaqtarynda ekinshi ret jer silkinisi tirkeldi, dep habarlaıdy Kazinform agenttiginiń Tashkenttegi menshikti tilshisi.

Búgin tústen keıin epıtsentri Tájikstanda bolǵan jer silkinisinen Ózbekstannyń birqatar oblysynda 2-3 baldyq jerasty dúpmýleri sezildi.

Respýblıkalyq seısmologııalyq monıtorıng ortalyǵynyń málimetinshe, keshke tirkelgen ekinshi jer silkinisiniń oshaǵy Aýǵanstanda ornalasqan. Onyń magnıtýdasy — 6 ball. Saldarynan Ózbekstannyń 8 óńiri men astanasynda kúshi 3 balǵa deıin jetetin jerasty dúmpýleri sezildi.

Aıta keteıik, Aýǵanstandaǵy jer silkinisiniń dúmpýi Qazaqstanda da sezildi.

Eske salaıyq, bıyl Ózbekstan jer silkinisin jasandy ıntellekt arqyly boljaý tájirıbesin engizedi.