Búgin kún raıy qandaı bolady
ASTANA. KAZINFORM — Frontaldy bólinisterdiń ótýine baılanysty elimizdiń batysynda, shyǵysynda, ońtústik-shyǵysynda jańbyr jaýyp, naızaǵaı oınaıdy, burshaq jaýyp, jeldiń kúsheıýi yqtımal. Batysta jáne shyǵysta nóser bolady.
Antıtsıklonnyń áserinen respýblıkanyń ońtústik-batysynda, soltústik-batysynda jáne soltústiginde jaýyn-shashynsyz aýa raıy bolajy. El aýmaǵynda jel kúsheıedi, al soltústik-batysta, soltústikte jáne ortalyqta túngi jáne tańerteńgi ýaqytta tuman túsýi yqtımal.
Kúndiz Batys Qazaqstan oblysynda 36 gradýsqa deıin, Atyraý oblysynda 35-37 gradýsqa deıin, Aqtóbe oblysynda 35 gradýsqa deıin, Mańǵystaý oblysynyń ońtústiginde 38 gradýsqa deıin ystyq bolady.
Almaty oblysynda, Jetisý oblysynyń ońtústigi men shyǵysynda, Batys Qazaqstan oblysynyń ońtústik-batysynda, Ulytaý oblysynyń shyǵysynda, Mańǵystaý oblysynyń ońtústik-batysynda, Atyraý oblysynyń ortalyǵynda, Aqtóbe oblysynyń ortalyǵy men shyǵysynda, Shyǵys Qazaqstan oblysynyń soltústigi, ońtústik-shyǵysy men ortalyǵynda, Abaı oblysynyń batysy men ońtústiginde órt qaýiptiligi joǵary bolady.
Túrkistan, Qyzylorda, Mańǵystaý, Jambyl oblystarynda, sondaı-aq Batys Qazaqstan oblysynyń batysynda, Almaty oblysynyń batysy, soltústigi men shyǵysynda, Atyraý oblysynyń batysy men shyǵysynda, Qostanaı oblysynyń ońtústiginde, Qaraǵandy jáne Aqtóbe oblystarynda órttiń asa joǵary qaýpi saqtalady.
Aıta ketelik elimizdiń basym bóliginde daýyldy eskertý jarııalandy.